يارسول الصمت ليه اليوم صار الصمت عاده = عند من يضحك له التاريخ بعصورٍ قديمه
مالنا عن صاحب الكلمه من الوقت استفاده = لو نبا نعطي عطانا ما خذينا فيه قيمه
عالج المرضان حتى خاب ظنه بالعياده = قال عالجت البدن لاشك غاياته سقيمه
أنتهى صيفه وذعذعله من الغربي براده = ماعمل من حظه العاثر صواب ولاجريمه
شايفٍ هامة سلالت عز تخضع للسياده = ياكبر شرهة زمان اول وياكبر الظليمه
من بعد حلم التوسع والتفاخر بالزياده = ودنا نبقى ولا نصغر ونحفظ كل شيمه
آخر الصولات والجولات في شتى بلاده = أختلاف الراي والتجريح في راعي العزيمه
ما خبرنا بيننا من ود لوكبر الجراد = مشكلتنا نستمع راي المفتح والبهيمه
لا متى وانته بحلم الليل يا نيم الوساده = ان طلبت النصر بلاحلام بالواقع هزيمه
كلبونا عارفين الليل الاسود من سواده = والصحيح الليل ضايمنا ولانقدر نضيمه
كل شاعر ماله الا الراي في حرب الاباده = وان تبيّن ماحصل من شرح ما حصل غنيمه
وان عطيته كلمةٍ ما تجزعه خلا شداده = مستحيل ايتابع الموضوع في نفس الوسيمه
القصيد انواع وهبة خالقٍ يحصي عباده = مهنة التفكير والا حساس والمعنى نديمه
ما يطيب ولا يخيب ولا لحق غاية مراده = ولا لقيت بعالم الاشعار طرقه مستقيمه
ليتني في عالم الاشعار وضّحت القياده = أو تركت مجادلٍ فيه التغطرس والهضيمه
ما عجز فكري ولا ضيّع خياله من وكاده = عارفٍ وش مكسب الجيعان من صحن الوليمه
الخيال ابلغ من الواقع ولالي بعتماده = مثل ما قال المثل خايف يعقب السيل ديمه