من واقع الذكرى ومن ذيك الايام = ابيات سطرها القلم في كتابه
صوت المشاعرفي صدى طيف الاحلام = عنوانها الثابت خيال التشابه
غايات مصدرها الحقيقه والاوهام = نهج التناقض يحتويها جنابه
فيها عزى الماضي على صوت الانغام = تجاذبه همس القصيد وغدابه
وستقبله عاشق ذعاذيع الانسام = بحساس تفكير الغرام انتشابه
استلطفه وحياه بحساس والهام = باحلا عبارات الهوى وانتسابه
ورسل رسول الصمت لوحه ورسام = تحكي عن الماضي هناه وعذابه
عن حب سلمته حياتي ولا دام = وانا من اول كنت اقود الرجابه
يامن ملكت الروح عامٍ بعد عام = وش بدل ايام الهنا بالكئابه
وين الحنان وهمستك والتبسام = وصوتك بليله ممطره والدعابه
وذاك الجبين اللي له القلب مقدام = اشتاقله شوق الحبايب واهابه
ايام كنت اصحى بطاريك وانام = ما نفترق والحب بأول شبابه
ماكنت احسب ان المقادير قدام = تهد قصر الحب وتصك بابه
جلست مع نفسي ونكست الاعلام = وقلت آه من يقدر يسد بغيابه
وجاني صدى الذكرى للحساس سوام = يردني للي بقى من سرابه