اشوف جو الحب ماهوب صافي = تاهت عناوين المحبه بدنياك
تشرحلي احساس الغلا وانت جافي = واكبر دليل ليا تبسمت بشفاك
بيّن مع الايام مكان خافي = وكبر الصغير وعاكس الوقت ممشاك
لاصرت ماتعطيني الحب وافي = ارحل وانا بهدي القلب لطراك
عندي من الذكرى بقايا وكافي = بودعك وابقى على طيف ذكراك
ذكراً يترجمها حنين القوافي = سنين من بين المعاليق مرباك
وان قلت بعدك عن حياتي عوافي = كذاب ما تسوى حياتي بلياك
اصعب من الدمعه بعين السنافي = موادعك من بعد ماكنت وياك