هذه القصيده الفائزه بالمركز الثاني بالملتقى الثقافي
بمسابقه السيد:ـ
زيد ابن عايش العازمي
رئيس المجلس البلدي
أمل أن تحوز على إعجابكم
((النار والفنجال))
النار والفنجال مع هبة الريح =ياطيبها طيباه لاصرت ناحي
عن مجلسٍ فيه الوجيه المشافيح =الي تحدك من جميع النواحي
أطيبهم الي حظه يقوم ويطيح =وأرداهم الي للاقاويل صاحي
لو يخدعونك باللحاء والمسابيح =مايخدعونك بالمساءوالصباحي
منهم عرفت إن أغلب الهرج تلميح =ومنهم عرفت إن أكثر الخير ماحي
هم اليالي باح والسد مابيح =وهرج القفى ياشين سمٍ ذحاحي
بالله قولو لرجال الصحاصيح =ماحدٍ توقع طيحته يوم طاحي
الا بعد ماطاح بين الذوابيح =من بعد ماهلو عليه الرماحي
على النقا خلت المزون الملاقيح =واليل ليل الكهكهه والمزاحي
من بعد ماشفت الوجيه المفاليح =أهل العلوم الغانمه والسماحي
جلسة علوم إرجال ماهي سلاتيح =هي سلوتي ياصاحبي وإنشراحي
حيث إنهم مثل النجوم السواريح =في ليلةٍ تشهد سكون الرياحي
ليلٍ سرى بالريح في جوٍ مريح =وأرضٍ خلا مايسرق الصوت واحي
هي سلوتي من بعد ليل التباريح =أسلا وأسلي خاطرٍ ماستراحي
لن الخوي يحتاج وقفه وتوضيح =ودرب الوفا يحتاج صبر وكفاحي
إخذالنصيحه والتجارب مصابيح =تضوى على درب الشقى والفلاحي
الجود ماهو بالكلا والمفاطيح =والضوعزام الضحى والضواحي
والطيب يثمر بالرجال الطحاطيح =لاجيتهم مهموم همك يزاحي
والا الردي لو يرفع الصوت ويصيح =طيرٍ ليا جيته يرف الجناحي
المدح في وجهك مذمه وتجريح =والسب مثل العمر لقفى وراحي
بالعدل والميزان كفه وترجيح =مثل الهماج إليا ذكرت القراحي
بيض النوايا في قلوب المناصيح =وسودالنوايا بين مضحي وضاحي
تمت ومن ياطى على الشوك والشيح =عقب الفشل يلقى طريق النجاحي