سجن الحياة ومصارعة عالم الليل =بالعلم والادراك والفكر دلا
على الورق يكتب من الهم والويل =وليا رحل عن دار في دار حلا
شفت البلابل والغنا بالمواويل =وشفت العنا من باب يمكن وكلا
وعشت الحياة الي تهز الرجاجيل =والنور عن واقع حياتي تجلا
وش عاد لوشبيت روس القناديل =مادام غيري بالنجوم إستدلا
لاصار ضوي مايجيب المشاكيل =وإعلوم وافين الخطى ماتملا
ماهيب الخطار غير المهابيل =وماعيب الميراد غير المحلا
أصبحت أحسب لليال المقابيل =وغيري يحسب للمقفي وولا
كلٍ تبع هرجة هل القال والقيل =وكلٍ بعلم الغير رحب وهلا
والا زمان الهجن مع سبق الخيل =وعادات قومٍ باللقا ماتحلا
وجانا زمانٍ بدل الحال تبديل =ومن مالقاله علةٍ يستعلا
ياباخصين الكيف والبن والهيل =اليوم صاد الكيف والعرف قلا
وإن قلت بالدله ووزن الفناجيل =قالو غشيم الراي عدل وخلا
أصبحت فارس جيل ومضيفٍ جيل =ومايعترف بالحق سراح بلا
مايحتمي الميقاف من يجهل السيل =وماكل راعي لالقى العشب فلا
وإليا شعمت النار صف المعاميل =سبعٍ من البغداد من فوق ملا
في مجلسك لازان وقت التعاليل =حذرى تقل بصاحبك كان زلا
حاول تكون أركد من البحر وتعيل =لاعال في مجلسك رجلٍ مغلا
على رجال العرف وأهل التماثيل =والمهزله والبهذله والمذلا
ماعقبت ياكود سقم الغرابيل =العله الي ماتحط وتشلا
ياعنك ماشفت البلا بالدرابيل =من بعد ماهل المطر وإستهلا