(( ممنـوع منـه الاقتـراب !! ))
.
.
.
في ذمتك يا اغلى البشر ماضاق صدرك فـالغياب؟! = ولا ولهت لشوفتي في ذمتك يـا اغلـى البشـر؟
ما عدّها مـن حسبتـي فتـرت ذهابـك والايـاب = تساوت الحسبه معي يوم. او. سنه. مدري شهـر
يا لعنبو من لامني لا صـرت اخربـط بالحسـاب = صـرت النهـار اكافحـه والليـل اقزرهـا سهـر
الدار ساعت غيبتك صارت خـرابٍ فـي خـراب = وانا على طاري رجوعـك كـل يـوم انـذر نـذر
لامن تناوشت القلـم واخـذت صفحـات الكتـاب = في كل صفحه ابتدي تطلع معـي كلمـة (كَـدر).!!
يالحظ الاشهب وشتبي؟ كافي على وجهي شهـاب = من وين ما طقيتها ضيقة صـدر.. ضيقـة صـدر
سيطرت كل السيطره لا عـاد تخشـى الانقـلاب = وحطيت في قلب الشقى لوحـات تحذيـر وحظـر
مكتوب فيها (ملك لـي) ممنـوع منـه الاقتـراب = وبكل ركن وزاويه كاتـب خطـر. خطـر. خطـر
تراي انا ضد العرب في قولهـم (يطـرد سـراب) = الياس ماعرِف يمُته وارقـى علـى مـوج البحـر
خلاص ما صارت دلع . ما اشتقت يا مال الذهاب؟ = كانـه موهُقـك! .العـذر ابشـرك مابـي عـذر
;