(( نصيحه.. كمل النومه ))
.
.
.
جيت إمتأخر وتنشدني عن سكاتـي؟ = إن كنت نايم نصيحه كمُـل النومـه
إسمع إلى ما يلي او إسمـع الآتـي = بس المهم إنهـا توصَلـك معلومـه
المشكلـه جيتنـي بآخـر نهاياتـي = منهار ماعاد بي شدٌه علـى القومـه
اقـوم واطيـح واجمُـع تشتُـاتـي = شف فعل الايام باعلى الوجه مرسومه
جارت علي السنين وريحها العاتـي = اشتالت الورد مع شيحه وقيصومـه
تكـدر الصفـوُ وانكشفـت ملفاتـي = وتعبت من قولـت الطقـه بتعلومـه
الحزن يطغى على حلـو ابتساماتـي = ولا زلت افكر بعلو (طويق) ورجومه
ما زلت شامـخ وتعجبنـي بداياتـي = طموحي اعلى من المشراف والحومه
وش رجُعك؟ منهو اللي قالك تآتـي؟ = المسأله طافت الشرهـاات واللُومـه
واليوم راجع وتنشدني عن سكاتي؟!! = (اقولك شي؟) روح وكمٌـل النومـه
; ;
سالم حمد الملعبي