الصوت / مبارك الحجيلان :
يا نجم مالك عذر حتى لو إنه سمين=لاتترك الناس وأنت تعيش في بالها ،،،
سلام لأهل الجنوب ونفحة الياسمين=لو الجفا زالها ،، ياكبر منزالها ،،،
إن كانها كانت أغلى من مسمى ثمين=ياخوي خل القريحه ترجع أشوالها ،،،
أحس الأبداع ياحامد بقلبك سجين=أشعارك لحالها والناس في حالها ،،،
لاتحرم أزهار بوحك متعة الناظرين=خل المحبين تفرح مالك ومالها ،،،
هالحين مجرى القصايد ينحسب للفطين=ويحدد المال قوتها وترحالها ،،،
ومحبوبة الغرب نجمه في سما التافهين=إبداعها شالها ،، والصدق ماشالها ،،
وقصيد الأبداع والمعنى الغزير المتين=ورده يثير المعاني مشهد اهمالها ،،،
ومادام عبدالمعين المبدع ابلا معين=بأحساس لو قالها ،، كنه ولا قالها ،،،
تحز بالنفس دايم غيبة المبدعين=وبعض الخوافي تروع طلقة أهوالها ،،،
الصدى / حامد زيد :
يا مبارك العقل وين ،، ونجمة الغرب وين=والله ولا فيه عاقل يعمل اعمالها،،،
لا صارت البنت لا دنيا ولا خوف دين=تستر على نفسها وتربي عيالها ،،،
صحيح الابداع غالي..لكن الستر زين=والعاقله تحسب الف حساب لفعالها،،،
بنت(ن) تناظر مفاتن حسنها كل عين=الله يعين اهلها ويعوض رجالها،،،
وانا ليا غاب وجهي ما يغيب الحنين=النفس تعرف حبايبها وعذالها،،،
ومثلي ليا غاب حين،، يحضر لو بعد حين=والجزله ان ماعنت لي باتعنالها،،،
سموه غيبة ذهن ،، سموه غيبة ذهين=والله ماكانت الغيبه على فالها،،،
لي خلو الشين زين ،، وخلو الزين شين=أغيب لين المهبل تترك هبالها ،،،
اما حضور الرضا ،، وإلا الغياب الرزين=واللي يعشق الجزيله بيتحرالها ،،،
وإن جيت ليله.. محيت حضور غيري سنين=وما للحمول الثقيله كود شيالها ،،،