يثير الصمت بالي لا هدالي بال = وتفزع بالحنايا رغبة التيسير
ياوقتي لا تحملني حمول اثقال = والك مني تحية ود مع تقدير
اجاهد عتمت الايام والغربال = واجنب كومة الاوهام والتزوير
اعز النفس واطمح للعلا وانال = واسوق الرجل لرغبات والتطوير
اسير واقطع الاميال بالامال = تعبت اجامل الامال بس اسير
اعيش الواقع المتغطرس الفعال = طموحي يزرع الافكار فيني مير
اصور بسمت الرجال لرجال = وانا خابر يزيد الجرح بالتصوير
يالذت خافقي روحي مراح الذال= عن ادياره بعد ما عاش بالتقصير
يقولون الغلا احساس حال لحال = واقول ان الغلا مايكشفه تبرير
يصير الشوق برضك يالمشاعر لال =لاكن يجذب احاسيسي غصب مايصير
مقابيس الحياه وطاري الاهوال = تعادا قدم عيني والسؤال يحير
مشاعر سالفه تدبلي المكيال = عليها بالعزوم الراجحه تضيير
شاعر مدرك الاحكام والامثال =واعرف الشعر يفتح بابه التعبير
رميت اللي مضا في سلة الاهمال = مقادير وبقت ذكرى فقط لاغير
لاناض الود ودارت من جنوب شمال = يعانق خاطري لاهب سناه الكير
طواري تنتعشني ما حكمها زال = طواري من يحد القلب لتاثير
صحيح اوافق ان الفال يقفا عقال = واخالف رغبة العشاق بالتغيير
تمنيت المواصل وانتظاري طال = وانا لامن تمنيت اي شي يطير
اساير نغمة التفكير بالموال = مصيبه والمصيبه نغمة التفكير
يدور الوقت والنيات سبع اخصال= وانا مع كل دور اقول عله خير
ثلاث سنين قصه عاشها رجال = امانيه رماها فوق ريش الطير
[/quote]