البدع نايف بن دكيم
عد ما غرد القمري وطـار الحمـام = مرحـبـاء والـنـوادر طـيــبٍ سـوقـهـا
كل ماشف ناصر قلت شد الحزام = تحت بطن السفينه والبحر فوقها
الرد ناصر بن فهاد
عد ماناحت الورقى وورد الحيام = الـبـقـى والـهـواجـس عـالــيٍ ذوقــهــا
كل مابان نايف قلت هيا الهمام = والـبـشــاره بـغـيــم الـخـيــر فـبـروقـهـا
نايف بن دكيم
يـا وسيـع المعرفـه يـا بعيـد المـرام = كــل دره ثميـنـه و ســط صندوقـهـا
نوب تاتي حلال ونوب تاتي حرام = شجـرة الطـيـب دام الـعـز بعروقـهـا
ناصر بن فهاد
الله أنـــه يـديــم الـعــز والأحــتــرام = والـنـوايـا مقـيـمـه وســـط معلـوقـهـا
الغصون الرطيبه يارفيع المقام = نخلة العز دام الطيب فعذوقهـا
نايف بن دكيم
يـابـن فـهـاد دام الـنـور عـكـس الـظــلام = وش رايـــــــك بـسـابــقــهــا ومـسـبــوقــهــا
من سكن بالقصور ومن سكن بالخيام = شــاهــد الــقــوم يــارجـــال فـــــي نـوقــهــا
ناصر بن فهاد
ذا كـــــــلامٍ قــــديــــم ولاعــــلانــــا مــــــــلام = شــــد حـيـلــك وأنــــا ويــــاك وأطـروقـهــا
ما نلد النضر في جمع جاه أنقسام = يـوم هـاك الجماعـه ناشـف أحلوقـهـا
نايف بن دكيم
الله أكبـر علـى الـي كـل ماطـاح قــام = كيف ينكر غروب الشمس وشروقها
يابعيـد النظـر بيـن السـمـاء والغـمـام = كـان شفـت المصيبـه جـود إسبوقهـا
ناصر بن فهاد
الله أكبر على من هو يصدق حلام !!! = الــســبـــب فــــــــي ثــيـــابـــه بــــانــــت أفــتــوقــهــا
مـوقـعـي بالـمـعـارك فـــي صــفــوف الأمــــام = كـــــــان فــيــهـــا مـصــيــبــه ســيــفــنــا عــوقـــهـــا
نايف بن دكيم
من يحذف الكلام ومن يضيف الكلام = بــعــد مـابـانــت الــدعــوى بمـنـطـوقـهـا
ياسـيـوف المـعـارك يـاطـيـور الـســلام = فـي زمـان العجـايـب عــاش غرنوقـهـا
ناصر بن فهاد
أضحك الله سنك مير حسب النضام = نـــجـــزي الـــنــــاس يـــارجــــال فـحـقـوقــهــا
يـازمــان الـغـرابـه أشـقــر الـريــش حــــام = صــيــرمــيٍ قــطــامــي بـــــــان مـنـسـوقــهــا
نايف بن دكيم
القضيه بسيطه والسوالف تمام = وأنت تؤمن يخالقهـا ومخلوقهـا
أول العلم هم وتالي العلـم هـام = عزتي لك من الدعوى وفاروقها
ناصر بن فهاد
ماتشوف النبال اللي تطش السهام ؟؟ = يـــــا مـــحـــام الـقـضــيــه ســوقــهــا ســوقــهــا
أدخــل الـيــوم هـــذا فـــي قـفــص الأتـهــام = ســارق الـمــال يـسـجـن لـجــل مسـروقـهـا
نايف بن دكيم
ول الشهر يوم وأخر الشهر عام=كيف تدري وهي تدري بمعشوقها
من صحى بالعلوم الطيب ما ينام=والله أعلم برازقها ومرزوقها
ناصر بن فهاد
يامسلـسـل غـلـيـس وقـصــة الأنـهــزام = تضحك الناس مير الداب بشدوقها
عـــل بـيــت الـجـهـالـه يــارجــل للهدام = وعـل أهــل الكـراهـه تكـثـر أحروقـهـا