بعنوان أصحاب الهمم
يدور الوقت وأصحاب الهمم تكبر بها الهقوات = وبيتك يالأماره عز كنه نور الأشراقي
على مر الزمان أصحابنا تنصى لها الطولات = وريث المجد مشبع ضيف داره عون من ضاقي
نشوف العز بعيون الرجال اللي لها سطوات = وبشتٍ لصديق ستار غيره بشت خفاقي
على راس المكارم والحميّه طوح الأصوات = سلامٍ مثل مقدام الحرايب شهم سباقي
على روس الزعامه والطناخه حزة الوقفات = آلاد سعود بن جامع سيوفٍ صيتها راقي
لهم بالخالدات فعول تبقى كلها مروات = سيوفٍ ضربها لازال مع مر الدهر باقي
هل التقدير والشيمه وريف العز والسادات = زحول العُرب لاعضك زمانك تبشر بساقي
ألا ياراس ناصر شوش والشوباش من طنخات = صميدع ياوريث المجد والمنطوق بأخلاقي
وألا ياجبر ميقافك يعجّز سابح الغبات = طليق الفعل فعلك جامعٍ من در الأذواقي
وألا يالاد عازم ياهل النخوه هل الفزعات = صناديد الرجال وكلمةٍ للحق تنساقي
هل الميدان في وقت العسر لازادت الشدات = نزود وضربنا لاجات بقعا دون من عاقي
مزبنة الجلاويه وأهل عهده وأهل لزمات = على عهد المراجل كلمةٍ والله رزاقي
هلا يامرحبا ترحيب نابع من صميم الذات = تراحيب الحيا والنادره ماجات الأسواقي
هلا ياسعد عين اللي على النوماس ود وهات = عوازمٍ لشدايد ريف عز وساس الأغداقي
ألا ياشاربٍ فنجال سيف العز هالأوقات = نبا فزعة عوازم تدهر تطغي على الهاقي
ولا نجحد خوي الطيب في كل العرب وقفات = سلامٍ مثل مقدام الحرايب شهم سباقي