بعنوان يالله لطفك
يالله لطفك بعد طول المشاوير = يامنزل الأنعام غفار سيّه
عبدك لجالك من جموعٍ معاثير= نقالة النمه سريّه سريّه
أهل الحسد والكره في صبح وعصير = ناسٍ لهم بالتفرقه مقدريّه
ماورثوا أمن العود غير أسم وتحير = فيهم شباه أرجال لامن وفيّه
الحمد لله قسمنا منه تقدير = بالعز سرنا والسطر والحميّه
سلم العرب دونه نعسف المقادير = واللي قصر كفه طمح لرديّه
سلم العرب ماعنه مجنب وتقصير = واللي خلف تاجده بالمهمهيّه
سلم النشاما مثل حد البواتير = قصاص لرقابٍ تدُور الأذيّه
كبر العمر فوجيه بعض العرب غير = اللي بعمره كاسبين الونيّه
ياوقت شفنا من صدوفك معيثير = عمره فلا سره وسلم أجوديّه
زعمه بكذبه قلبه أجزع من الطير = لا حل قاله والعتب فالرعيّه
متمرسٍ بالزور طماع وفقير = ينهش بلحمه مثل نارٍ لضيّه
مارحب بضيفان داره على الخير = بارد سلام وللحصيني حليّه
خطو الرجل يامال حد الشناضير = للحق ناصر ياوجيه القفيّه
بعض العرب يمشي على دهنة السير = هافي ووضعه مثل قلعة طميّه
درب المراجل عسر يانافخ الكير = مارامه اللي كل صبحٍ بفيّه
خطو الرجل للعز من يارد البير = غير الشهم مروّ الكبود الضميّه
نطاح للواجب بوقت المعاسير = عمره على عزة يسوقه ضحيّه
يشبه ثبات طويق وأبان والنير = مازعزه صلف الهبوب العتيّه