ياهيه في هرجك تهربد على ويش = منته بحرب ولانت قايد سريه
تمشي على درب الرعاع الحتاريش = لاحولكم راحه صباح وعشيه
زمرة تعيش الدور والعمر في طيش = تهوا الخطا والزور وتمد سيه
لاخير منهم مثل طيرٍ على ريش = ينهض جناحه ماتعدى وطيه
ياتايهين الراي لبس الطرابيش = ماهو لكم والسرج لثور أذيه
ماشمتم بطبع الرجال المداغيش = تندى مكارم والكرم به نديه
ولاسمتم بسوق الغلا ضمر الجيش = اللي لها مع سيرة المجد طيه
نأسف بأن أمثالكم تعرف العيش = لله حكمه في شؤون البريه
الحمدلله مالكم عندنا قيش = يُحفظْ جناب العز عن داء ريه