نبتدي بالولي ماخاب طلابه = العظيم وبيوت العز نكتبها
مرسل الرسل حافظ مُنزل كتابه = جل قدرته والرحمه نلوذبها
بأمره الرزق لونشقى حضينابه = كل نفسٍ مقدر وش مكاسبها
نحفظ العهد مثل السيف لجرابه = عقب اللي مسير الوقت يشذبها
للعلا ياحريب الخبث وأرهابه = ياصميدع جيوش العز خاضبها
ياولي العهٓد والبيت بأطنابه = يامحمد بك الأمثال نضربها
الجبل دون شُعب الدار وهضابه = ماعرف قيمته جمّال شاعبها
والسطر دون فعلٍ مادرينابه = والشجاعه الى الشدة مناسبها
أبوّ سلمان لامن بان حرابه = كنه الصاعقه تفلج بمضربها
عز للعرب نوماسٍ لأصحابه = والمجوس أسمه أليا مر مرعبها
مربكٍ لسياسة والهدف صابه = والأمم بعد رؤياه إيه مرهبها
أنت درع الوطن والسيف وأنصابه = كل زمره تشط الضرب يحْضبها
باللقى مايرف العين وأهدابه = بيرق الحرب عَز الضلع ناصبها
يبن عودٍ شموخ المجد يزهابه = ستر ريم البلد والعُرب يعربها
حازم الفعل جازم ضرب مخلابه = يبتر العظم وأعدائه يغدبها
بايعك شعب دونك يسرج أركابه = ودون حد الوطن تُثنى مراكبها
يرخص الروح شعب الدار لترابه = مايساوم بها وأعدا يترّبها
بيعةٍ بالولا والسمع وأمجابه = كل مكره ومنشط بك نعدبها
تحت بيرقك والبيعه تقوابه = دارك اللي سموم القيض تلهبها
ماحضيتوا بها في ثوره أنهابه = ولالفيتوا بدعم أغراب تخربها
ويامعزي هنا التاريخ يتشابه = جُدد العهد بأحفادك وعزبها
طامع الدار مانغفل عن غرابه = والشقاوه ليا جينا نهذبها
كم مرائي وقف لاشك مانابه = نبتر الروس والعرضه نقومبها
من كويت الظفر شعرٍ تغنابه = راس مطنوخ وسيوفه يخضبها