.
.
.
.
كبدي تشفقله وروحي تمناه=وحالي من الهجران همي دمرها
اشتاق له واشفق لبسمت شفاياه=ولمعت عيونه اللي خفوقي سحرها
وهرجه ومزحاته وعشقه ومغناه=وليال حبه يوم فيني سمرها
يالعنبوه مغلاه ومحلا مزاياه=بيبان قلبي في غرامه كسرها
أهيم به وفرح ليا مر طرياه=ريضان عشقه ماتقصف شجرها
يفداه من يمشي على الارض يفداه=كلمه من الاعماق قلبي جهرها
ادعج غنج ماشفت مثله وحلياه=شبه القمر لا أضواء شواطي بحرها
كن الجمال اليوسفي في محياه=والليل الاسود عتمته من شعرها
غايت مرادي وبلسم الجرح ودواه=والوان عمري ضئ ليلي وقمرها
كل العذاره حدرن تحت ماطاه=عقبه وقلبي كل بنتن كرها
عزالله ان قلبي تولع من اقصاه=احساس بهجاته ماعمره شعرها
اغليه واحبه ودور على ارضاه=اوقات عمري في وصاله عمرها
ليته قريب يشوف صاحبه وش جاه=حزنه غلب نفسه وزود قهرها
حدتني اظروفي على شي مابغاه=قفا وانا قفيت ونفسي عسرها
لو لا ظروف الوقت ماصمل بفرقاه=لقضي حياتي معه وفيه اهدرها
قفا ولا فكرت في يوم نسياه=غالي ونفسي بالمحبه اسرها
لا وعذابي من هواجيس ذكراه=كملي وانا بنسا الليال وقدرها
تهزني الاشواق وموت للقاه=مالي جدا ياكود اطالع صورها
هذا وانا نفسي بخلي مشقاه=جعل الليال السود يكفيه شرها
ويجمعني الله فيه في درب مسعاه=ودنياي عادي لو بعده اخسرها
.
.
.