رح دامها .. حنت عليك .. المقادير =وهذي كفوف اموادعك هات يمناك
بعيش في ذكرك.. وبذكرك بالخير =ولعل من يرعا المخاليق .. يرعاك
حرام لو قربك عليه المخاسير =اني لسوق (المال والجاه)لـرضاك
وفي ذمتي.. لو يشبهك واحدن غير =اني لحبه ..لو ماسوْا سواياك
مشكلتك !.. انك صرت عنقود الاخير=وقطفك غيري يالغلا .. لاعدمناك
شفت الليالي كيف صارت مدابير=وكم مره احذرك وتقول وش جاك !..
والحين شف رجلي تعوف المشاوير=اصبح يضيّرها .. على المشي مرباك
ياطول عمرك .. في حياة التفاكير=وياقو شوقيلك .. وياصعب لقياك !..
مايلحقك بالحب يازين تقصير=وجعل العوض في واحدن كنه اياك
إن جيتني من بعد ضمن المسايير=والله لفك الصدر .. وقول حياك