*** نبذه عنه :
الشاعر الكبير :
مساعد بن زيد بن راشد القفيدي
من
فخذ الهدالينعاش مابين الفترة
1875م الي 1967م
- وقد اتسم شعره بالتوحيد مما يدل علي تدينه وهذه صفات المؤمن الشجاع .
وهو صاحب القصيدة المشهوره التي تقول
((
جونا علي غره وجيناهم هدد ))
وكانت مناسبتها معركة (رضى ) والتي حدثت في 17 محرم 1348 الموافق شهر 6 (يونيو) من عام 1929م
وطرفي النزاع هما قبيلة العوازم من جهة بقيادة الأمير حبيب بن جامع ، وجيش الأخوان بقيادة فيصل الدويش
من جهة أخرى والتي كان النصر بها لصالح قبيلة العوازم , فكان جيش الأخوان مكون من قبيلة مطير بقيادة فيصل بن سلطان الدويش ، وقبيلة العجمان بقيادة نايف بن حثلين
( أبا الكلاب ) ، وبعض قبيلة عنزة بقيادة كل من فرحان بن شعلان بن مشهور (الرولة من عنزة )، ومرضي الرفدي من عنزة أيضا ، ومجعد الدهينة ( أخوحسنة ) أمير النفعة من قبيلة عتيبة ، وبعض قبيلة زعب والعونة من الرشايدة تحت بيرق مطير 0
كما أن المعركة لم يحسب العوازم حسابها حيث أنهم كانوا شادين وقاصدين ماء ( رضى ) التي حدثت
حوله المعركة الفاصلة .
وفقد ألقى الشاعر مساعد القفيدي هذه القصيده أمام الملك الراحل عبدالعزيز بن سعود في (الابطح بمكة) وكان اذا عدد الشاعر مفاخر قبيلته ومدحها يقاطعه الملك عبدالعزيز ويقول : قول .. وفعل.
والقصيدة كالآتي :
يالله ياللي مانبي غيرك مدد=ياللي بك العبد الموحد يستعين
يارافع الرايات في بر وبلد=انك تعاونا على اللي بايرين
جونا على غره وجيناهم هدد=واللي حضر منا كفا اللي غايبين
وساروا وسرنا وماحد منا قعد=لين أشهب البارود رد المقدمين
يوم ارعد الرعاد وانهل البرد=جا موسم يرخص اعمار المستحين
في ساعة ما حد يخليها لاحد=إلا بضرب يودع القاسي يلين
يوم ان ابن جامع على الشوبة ورد=سبل وسبلنا عليهم زاهدين
أهل البيارق طرحوهم بالعمد=في شوبة البارود بين الناطحين
يا لابتي مايودع الشايب ولد= ياكود فعل قـدم وجـه الطيبين
ولاينطح العايل ويخلفه الوعد=إلامبيعة العمار الصاملين
حضاية البارود لين انه برد=لين الطريح يطيح والطيب يبين
لو جا ابن مشهور وعتيبة زيًـد=حنا على جد وبالله نستعين
ولو إن حلتنا خذاها من جرد=ماهي معنا من عصور الاولين
يا لعن ابو عند المعقل من شرد=لا وش نبي بالعمر يا سهج القطين
ليتك حضرت وشفت يا شيخ البلد=يوم التقينا في شمالي القطين
يوم أهل الشرهات خانوا بالعهد=صاروا من ارذل هالزمان الحاربين
هــذا لهـم منـا وقافيهـم بعـد= دولـة هل العـوجا كعـام العايلـين
مع بيرق راعيه ما عنده باحـــد = إلا ولــي العــرش رب العالـمين
** قصائد الشاعر :
عقب صبي ماتشبق بالسلاح =يوم استخل الدين والوقت اصطفق
ماشاف يوم فيه كثرنا الصياح=النار شبت فيه والجو التعق
وجانا صباح وثار مكحول الملاح=وصاح المثاري عند مخلين الفشق
سقنا العمار وما غدى منا مباح=ولاينطح الطماع كل من انفهق
لين الجنوبي جنب الحلة وراح =وعاف الدويش من المعقل وانصفق
خاون ولا عين من الخونة فلاح =بليس زينة وشيطانه نهق
ومن عقب كون نقير يبغون الصلاح=الزود خلاهم يعافون الفشق
رثاء في الفارس (( علي بن دهيم ))
عندما قتل قال هذه القصيدة
خل النخل يسكنه راعيه = لاصار مامن مصاريفي
ويلاه (( علي )) خلى فيه = ناطح وجيه المزاهيفي
يوم اللقا دايم توحيه = لادلبح النذل ماشيفي
الابيات التاليه منقوله
من العضو (( ابو سعد القفيدي ))
أتى فهيد بن جميعان الى مساعد القفيدي
وكانا في أواخر العمر أي شيبان ودار الحديث عن الدنيا
والدنيا كما هو معروف دار عناء وتعب .
فقال مساعد القفيدي :
يا فهيد دنيانا عطتنا قفاها = يا فهيد ماودك انصوت على الموت
وانخلي الدنيا وباقي عناها = و ننحر بيوتن ساكناتن مع بيوت
يا فهيد رجليه تدانت اخطاها = شوفي تردى وانت ما تسمع الصوت
والقصيده اطول من ذلك ......
وهناك قصيده لمساعد القفيدي قالها
بعد ما اجرى عمليه في عيونه
اقطعك يا عمرن حياته بلا شوف=راعيه ملزوم يشوف الكسافه
مثل الصويب اللي صوابه مع الجوف=ليا شافه اللي قبل يرجيه عافه
ليا طال عمر ابن أدم جاه صادوف=بخاطره يقلط وينكس اخلافه
هذه بعض الابيات اللي اعرفها ولا اعرف تكملت القصيده
ومما احفظ من قصائد مساعد القفيدي
قصيده قالها لحسين وفيها مدح لسعران الدماك
يا حسين صارت ضمتك فود عوجان=الماء طويل والرعيه ضميه
بليل سهران وبالصبح تعبان=ياعنك ماني في حياتن رضيه
يا حسين دورلك صبين جويعان=صعلوك ما يلقى معشا عشيه
الله عطاكم خمسة أيام صفطان=دوربهن يا حسين وانهج عليه
والله لولا شايب الخير سعران=ما اخلي الكمبار ياكل اديه
(( هذا ماتوفر من القصيد ))