يالله ياعالم الاسرار=داعيك وأرفع لك ايديه
يارب عجل على بشار=من غير رجعة نهائية
ونفرح بشوفة سواة الفار=ماحوله اجحور سرية
وتبّث تصويره الاخبار=مع كل نشرة سياسيه
وبالاخرة خلدة بالنار=مع زمرته لارحم حيه
وأولهم السيّد البوّار=عميل دار اليهودية
يدعم وفي دعوته مكار=للكتلة البرلمانية
وبعثه وشبيّحته تنهار=نهج الخنا والعبودية
لامسلمينٍ ولاكفّار=أحزاب شر أشتراكية
أعمالهم قمع وأستهتار=وتكيد لأهداف دونية
لاشك ماتنفع الاعذار=ياجامعتنا العربية
مافاد لاشجب وأستنكار=مواقفك غير قومية.؟!
قدامك الموج والتيار=وتعيش نزعات سادية.??
ونعيش مابين نار وغار=من حولنا عقرب وحيه
الشام يصرخ عليه حصار=مجازر الذبح يوميه
أرواح راحت من الثوّار=كم من تعذبّ بوحشية.?!
كم دنسوا طاهرات أحرار.??=تبكي ولافيه غارية.?!!
أمـة مـحـمـد كفانا عار=للغرب صرنا أنتهازية
يارب يالواحد الغفار=رحمتك للخلق مرجية
تعز الإسلام ياقهار=وأحفظ ديار الخليجية
لابدّ دام الفلك دوار=تشرق لنا شمس حريه
وصلاة ربي على المختار=ماناح بالدوح قمرية