سرا ليل وبقى ليل وبدا ليل الشعر وياك
تحيزم وحسب احسابك ترا ف الدرب تحويله
سريت العام من همس القوافي وش سبب مسراك
عقب مكان لك مضحى ولك ممساا وتقييله
هواش
عقب شبنا وعبنا يالسنافي ننسحب مناك
هذا موجز ويكفي مانبا نبلش بتفصيله
لكن انت السنه هذي تهوجس ياولد وشجاك
ابو منديل خايف مبلشك يشر بمنديله
صقر
بدون اسباب تقطعه عنه فجئه دون كلمة باك
وانا خابرك قيس وخابرن في همس لك ليله
اذا شيبك اهو عذرك اشوف العذر مارداك
تدوج اهناك بتويتر وتشرب من معاميله
هواش
تقوله يوم ما مرت عليك قنور في علباك
وانا مابه قنور الا براسي كنه التيله
بتال الوقت قالوا لي بهمس اذلف نبي فرقاك
ولاعينت ياهواش القدوع ولا فناجيله
صقر
انا صاحبك وسط الروم واعرف علتك ودواك
اعرف القصد من هرجك وعرف شلون تحليله
تركت فلان لجل فلان ورحت ادوره في ذاك
واضنك مفلسٍٍ من شوف براقه ومن سيله
هواش
قنصنا والذخيره كملت والصيد ما يخفاك
ولا مع صاحبك فاخر سنينه غير دربيله
ندربل فالطيور اللي تغرد ونتسمع كااك
خلصنا ياهواش ولاش لا حيلن ولا حيله
صقر
تقنص واحفض الرميه ترا الصيده وسط مرماك
وابو دربيل شاف الي تشوفه في محابيله
وحايل وستحل القوم قبل القوم تشر ماك
واضن المذن اذن والحكي مالك بتطويله
هواش