نبذه عن الشاعر
هو : سلمان زيد كريفيس القعمري العازمي
كويتي الجنسية
قصائد الشاعر
(( 1))
الصمان
فـى عالـى الصـمـان يـامـا كشتـنـا=يـم الفيـاض وفـى حزومـه مشانـا
خــذنــا بــهـــا ســجـــات ماكـلـفـتـنـا=بـاول طـرات العمـر فــى مستـوانـا
جـيـت المـكـان الـلـى بعالـيـه بتـنـا=وشفت الرجوم اللـى عليهـا رقانـا
كلمـة وفـا فـى هالمكـانـا اجمعتـنـا=قـريـبـنــا يــرتـــاح والــلـــى مــعــانــا
ذكـــــرت خــلانـــن قــبـــل رافـقـتــنــا=راحـــو مـــن الـدنـيـا بـلـيـا رضــانــا
مـاتـصــفــى الــدنــيــا ولـواطـربـتـنــا=والـوقـت لـوطــاوع لابـــد ايعـصـانـا
يـامـا ويـامـا مـــن حـلاهــا سقـتـنـا=ويـمــا نــدافــع غـيـضـهـا وبـتـلانــا
شـوف الـرسـوم الماضـيـه ذكرتـنـا=ذكــرت وقــت فــات بــاول صـبـانـا
عــــز الـشـبــاب ولــذتــه وادعـتــنــا=واليـوم شـابـت يابوسـامـي إلحـانـا
والـعـمـر قـفــا والسـنـيـن اغـتـرتـنـا=راح الــشــبــاب ولـــذتـــه مـــادرانــــا
لـيــت السـنـيـن ابغـيـبـهـا علـمـتـنـا=حتـى انجـازي الوقـت فيـمـا جـزانـا
نركـض ورا الدنيـا ومنهـا اتعبتـنـا=داويـن فــى غفلاتـهـا مــن شقـانـا
نـاخـذ ونـعـطـى مانـحـسـب دخـلـنـا=ويامـا علـى المحتـاج تنفـق يدانـا
ماجالـنـا مــن رزق فـيـه اشتركـنـا=رزقٍ يـجــي يـســد حـاجــة حـدانــا
نـجــود مـــن ربٍ ابـوجــده وجـدنــا=نـرهـي عـلــى مـــن زارنـــا وقـربـانـا
والنفس ترغب والظروف احكمتنا=ولالـك سـوى مقـسـوم ربٍ عطـانـا
دنــيــا كــفــى الله شــرهـــا كـلـفـتـنـا=نـبـى الفـوايـد والـظــروف تـحـدانـا
اجـيـال راحــت بالـسـلـوم اسبقـتـنـا=عانـوا مـن الدنـيـا مـثـل مــا بـدانـا
لودامـت الدنيـا لهـم مــا اوصلتـنـا=مـجـالـهـم بـالـوقــت هــــذاك جــانــا
نـــوبٍ تبكـيـنـا ونــــوب اضحـكـتـنـا=ونـوبٍ عـن العليـا نقصَـر اخطانـا
يجي لنـا المقسـوم لومـا اجتهدنـا=نرضى بحكـم اللـي لفرضـه هدانـا
نرضى بحكـم الواحـد اللـي خلقنـا=بـدابـخـلـقـتـنــا ولـــــــــه مـنــتــهــانــا
الواحـد اللـي لـه نصـوم وسجـدنـا=انـه عـلـى الطـاعـه يثـبـت خطـانـا
وصلوا على اللي دعوتـه شرفتنـا=شفيـعـنـا يــــوم الـحـســاب وذرانــــا
(( 2 ))
( طرات العمر )
الـبــارحــه يـــــوم الـمـخـالـيــق نـــعـــاس=اكـتـب ابـيـوت الشـعـر باحـلـى الكتـابـه
اكتـب واعـبـر واطــرد الـيـاس بالـبـاس=وشــتـــاق لـلـمـعـنـى وحــلـــو الاجـــابـــه
مــمــا طــرالــى دق بـالـقـلـب هــوجــاس=ومـاكـا ن فــى خـافـى ضـمـيـرى بـدابــه
يـــاراكـــب الـــلـــى لـلـبـعـيــدات نــــــواس=فـكــســار قـبــلــى مــاحـــد فــــــك بـــابـــه
جـيـب جـديـد مهـنـتـه قـطــع الارمـــاس=الـيــا ضـغـطـت اسـلـيـتـره جــــاك مــابــه
اليـامـشـى والــنــاس بـالـنــوم غــطــاس=ان يــــســــر الله لـلــبــعــيــد انــهــقــابـــه
نــبــى مــكــان خــالــي مــابــه اونـــــاس=فــــى مـاقـعــن قــفــرن تــطــارد ســرابــه
ما فيه غير الصيـد خالـى مـن النـاس=ســـقـــاه هـــتـــاف صــــــدوق ســحــابـــه
مربـى الخشـوف ويدهـلـه كــل قـرنـاس=مــجــرى الـســيــول مـشـقـقــات اتــرابـــه
متخـالـط نبـتـه مـــن الـوســم مـانــداس=مـــن طـيـحـت الامـطــار مــحــد رعــابــه
ريـــح الـنـفـل يـفــوح لاهــــب نـسـنــاس=اليا هب نسنـاس الهـوى الريـح جابـه
نـسـج مـــع ربـــع لـهــم بـالـوفـا ســـاس=حـلــويــن ولــهـــم بـالـمـواقــف مــهــابــه
خــــوة رجــــال فـعـلـهـم يــرفــع الـــــراس=مـــن طيـبـيـن الـربــع واغــلــى الـقـرابــه
تـشــاورا مـــن بيـنـهـم عـقــب مـــرواس=وكـبــيــرهــم راى الـجــمــاعــه رضـــابــــه
الـكــل مـنـهـم خـاطــره مـابــه اعــمــاس=مـتــخــالــط زيـــــــن الــنــبـــا والـحــبــابــه
وحـطـوا بـجـو ريـحـتـه تـبــر الانـفــاس=نـبـتـه جـديــد ويـعـجـب الــلــى مـشـابــه
وشـبـيـت نـــار وجـبــت نجـرومـحـمـاس=وســـويــــت فــنــجـــال لـــذيــــذ شــــرابــــه
بـــدلال رســـلان عـلــى الـنــار جـــلاس=عـلــى ســنــا جــمــر يــشــوق الـتـهـابـه
هــذى طــرات العـمـر ياطـيـب الـســاس=والا تـــرى مـــا فـــات صـعــب الـرجـابــه
عـمــر الـفـتـى لابـــد يـرجــع لــلافــلاس=يـفــنــى الـعـمـروالـكـل يــاخـــذ حـســابــه
مـايـنـعـرف كــيــل بــــلا وزن وقــيـــاس=وقـــــو ل بـلــيــا فــعـــل مـــــا يـنـحـكـابـه
شــاهـــدت بـالـدنـيــا جـــديـــدات ودراس=وهـاضـت شـجـون القـلـب مـمـا لجـابـه
تـشـوف فــى دنـيـاك والقـلـب حـســاس=تـكـشـفـلــك الــدنــيـــا امـــــــور تــشــابـــه
اصــبــر واقـــــاوم والـمـعـالـيـق يــبـــاس=ومــن كـثــر صـبــر الـقـلـب لاواعـذابــه
لابــاس ياقلـبـى عـلـى الصـبـر لابــاس=الـصـبــر زيــــن وفــايــز مــــن سـعــابــه
مــن لاصـبـر مـانـال طـولــه ونـومــاس=والـرجــل يـعــرف خـافـيـه مـــن جــوابــه
نصد عن بعض الحكـى والتحسحـاس=وبـعــض الـكــلام الـلــى قـلـيـل صـوابــه
ولانستـمـع فــى قــول حـاســد وبـــلاس=نـرسـى كـمـا تـرسـى رواســى اهضـابـه
والصاحـب اللـى مايبـادلـك الاحـسـاس=يـبـعــد عــــن الــزلــه وحــلــون جـنــابــه
هــذاك خـلـه وطــو مــن دونــه الـيـاس=ان جـايــجــى وان راح مـــحـــد درابــــــه
عـده مـن القصيـن مـن سـايـر الـنـاس=لــوهـــو قــريـــب الــجـــد وش يـنـبـغـابـه
من لايعز النفس عن بعض الاجناس=يـخـطـى دروب المـرجـلـه فـــى شـبـابــه
وصــلاة ربــى عــد مـاتـذرى الاطـعــاس=عـلـى الـنـبـى الـلــى ذكـــر فـــى كـتـابـه
(( 3 ))
( دنياك تكشفلك )
يالله يـامـنـشــي صـــــدوق الـسـحـايــب=يامـخـظـر عـقــب الـمـحـل بالـفـيـاضـى
انــــت الـذىبــامــرك تــحـــل الـصـعـايــب=امــرك الـيـا جــا مــا علـيـه اعتـراضـي
اطـلـب ومــن يطلـبـك مـاهـوب خـايــب=يـامـن خـلـق بالـكـون سـبـع الاراضــى
تـعــز مــــن يـسـعــى بـجـمــع الـقـرايــب=دايــم عـلــى طـــولات ربـعــه يـحـاضـى
الـطـيــب صــعــب والـمـراجــل وهــايــب=ولايـقـدر الـطـولات غـيـر الحـضـاضـى
دنــيــا تـشـابــه لاصـطـفــاق الـهـبـايــب=كـم واحــدٍ مــن ضـيـم الايــام جـاضـى
تـخـفـى مـواضـيــعٍ وتـكـشــف غــرايــب=مـاذكــر مـخـلـوقٍ مـــن الـهــم فـاضــى
دنـــيـــاك تـكـشـفــلــك بــلــيـــا ســبــايـــب=مـثـل الـسـراج الـلـى بـالاظـلام يـاضـى
من عاش شاف من الامور العجايب=يـرضـى ابـهـا ولا عـلـى غـيـر راضـــى
وصلاة ربي عد حاضر وغايب=علي النبي عداد نبت الرياضي
(( 4))
المخيم
بـديـت بـاسـم الـلـي لــه الـنــاس يـرجــون=الـواحــد الـلــي كـــل الامــــه تــرجــاه
الـواحــد الـلــي لـــه اعـبــاده يـصـلــون=يـرجــون مغـفـرتـه ويـسـعــون لــرضــاه
والـيــا ذكـرنــا خـالـقـي عـالــم الـكــون=ومــن بـعـد ذكــر الله لـنــا مـــا بغـيـنـاه
ان قــول قــولٍ يـشــرح الـصــدر مـــوزون=يـرتــاح مـــن يـقــراه ويـعــرف مـعـنـاه
قـولــوا لـمــن يـبـغـا الانـاســه يـمــرون=تــــرى الـمـخـيـم بالـمـشـربـك بـنـيـنـاه
مـــع لـفــة الـجـسـر الجـنـوبـي يـلـفـون=اعـلانّــا واضـــح عـلــى الـــدرب تـقــراه
تـلـقــى اعــيــالٍ للـمـسـيـر يـهــلــون=ودلال رســـلانٍ عـلــى الــنــار مــركــاه
قـولــة هـــلا بـفـواهـم حـيــن تـلـفــون=وكـبــشٍ يـقـلّـط بالمـخـيـم لـمــن جــــاه
عـاداتـهــم لــلــي يـجـيـهـم يــفـــزّون=تـرحـيــب لـلـعـانـي ولــــو مـاعـرفـنـاه
فـيـهــم ارجــــالٍ بالـمـواجـيـب يــافــون=فـــي مـجـلـسٍ كـــل النـشـامـا تـنـصّــاه
مـــا يسـمـعـون اقـــوال نـــاسٍ يـقـولـون=يــا طـيـب جمعـاهـم عـلـى الـــراي طـيـبـاه
الـيـا اجتمعـنـا بـاحـسـن الـــراي يـمـشـون=يـوخـذ بــراي الـلـي لـهـم بـالـوفـى جـــاه
دايــم عـلــى الـــراي الـسـديـد يتـحـامـون=حـلـويــن لـلـصـاحـب ومــريــن لــعــداه
كلـمـة وفــا مــن بـيـنـا الـســد مـامــون=ومــن صــد عـنّـا مـــا نـحـسّـب خـطـايـاه
والـيـا مـضـوا فــي كلـمـة مـــا يـصــدون=رجــالٍ عـلــى كـســب الـمـراجـل مـضــراه
ربـعـي عـلــى الـطــولات دايـــم يـفــوزون=الــكــل مـنـهــم بـالـمـواقـف عـرفـنــاه
للـمـرقـب الـعـالـي حـشــا مـــا يـهـابـون=فـعــلٍ بـــدوه اجــدادنــا قــبــل نــبــداه
هــذي عوايـدهـم عـلــى الـطـيـب يـرســون=كــم واحــدٍ فــي مـقــدم الـطـيـب شـفـنـاه
رجــلٍ مـشـا بالـعـز مـــا يـتـبـع الـهــون=والـرجــل عـــزه مـــن مـعــزة دنــايــاه
الـعـرف مــا يـعـرض عـلـى الـلـي يعـرفـون=ولا يـنـبـدي قـــولٍ عـلــى غـيــر مـلـفـاه
تــم الـكـلام وبــان مـــا كـــان مـكـنـون=والـقــول مـــا يـخـفـى الـيــا زان مـبــداه
وصــلاة ربــي عــد مــا تـنـشـي مـــزون=عـلـى النـبـي عـــداد مـــا ينـتـثـر مـــاه
(( 5 ))
ردية ( ذكرى وخوة الاصحاب )
لعـلـهـا ســفــره لــكــم يــبــن عــــدوان=اسـلـم وسلمـلـى عـلـى مـــن تـــروده
اسلم وسلملـى علـى ابـوك واخـوان=لله يـهـنـيـكــم بــحــضـــرت وجـــــــوده
والـدك ومـك حطـهـم فــوق الامـتـان=وترى الرجـل يتبـع مماشـى اجـدوده
مـبــرة الــوالــد بــهــا عــــز وحــســان=يـكـفـونــه اعـيــالــه وعـــــزه يــــــزوده
اهــل الـوفـا يـافـون لـوكــان مـاكــان=تسبق على الطولـه سلايـل افهـوده
ياما اجتمعنـا فـى بعيـدات الاوطـان=الطـيـب يفـعـل والـصـفـات مـحـمـوده
تـبـادلـو بـالـطـيـب ذربــيــن الايــمــان=فـى مجلس(ن)كـل النشـامـا تــروده
ماتـصـفـى الـدنـيـا ولـــو وكـتـنــا زان=الـعـمــر يـنــقــص والــلـــى مــعـــدوده
لاتـامـن الدنـيـا تــرى الـوقـت خــوان=كم واحد (ن)قبلك شكى من لهـوده
هذي تصريـف الزمـن يابـن عـدوان=نوبـن طـمـان ونــوب تـرقـى سـنـوده
مايستوى قول(ن) على غير برهان=وقول(ن)بلـيـا فـعـل مــا فـيـه جــوده
وصــلاة ربــى عد ماتـنـشـي الامـــزان=علـى النـبـى اعــداد جمـلـة اجـنـوده
صوت الشاعر / سلمان زيد القمري
جـتـنــى وصــيــه كـنـهــا عـقـدمـرجــان=وســـام فـــى صـــدر الـمـراجـل بـنــوده
نصيحتـن نرخـص لـهـا كــل الاثـمـان=مـــن تـجـربـة والـــد زمـانــه اشــهــوده
حى البيوت اللى لهـا الطيـب عنـوان=مرسلها شاعـر كـل صفاتـه محمـوده
شــاعـــر جــــــزل وبــيــوتــه اســـمـــان=رجل(ن)كـسـب طيـبـه بفعـلـه وجــوده
اسـمـه عـلـم والـقـول يحـتـاج بـرهــان=ديـــوان لـنــدن شــاهــد انــــه عــمــوده
الطـيـب كـلـه تـقـتـرن بـاســم سـلـمـان=الـمـرجـلـه تــاجــن زهــــا فــــى زنــــوده
غلطان من عارض نصيحتك غلطان=الـلـى رفضـهـا فـيــه نفـس(ن)حـقـوده
وصــاتــكــم ذكــــــرى بـــايــــات قـــــــران=الـلــى تبـعـهـا كـاسـبـن فـــى جــهــوده
صدى الشاعر / سامي العـدوان العنزي