** الشاعر : نحيطر دعسان الفراع
(( 1 ))
بسم الله الرحمن مبدى كلمتي = مبدي الفروض الخمس فيها عموم
وحمدت ربٍ عز دار شيوخنا = في ديرة اللي للعباد رحوم
دار الصباح اللي تبين صيتها = ريف الفقير وفزعة المضيوم
دارٍ على جداننا عشنا بها = وشهودها من البينات رسوم
من يوم بني الكوت بالطين اعتمر = وهي دارنا ياعلها تدوم
واليوم هذا صارت اكبر مدينه = مناطق في كل عام تقوم
وسبحان ربٍ حطها مثل النهر = اللي يجيه من الشطوط قسوم
تغرس به الميوات والحب والنخل = والبذر ينثر في حساب نجوم
ونحمد الله يوم فازت بالفرح = وصاب العدو بالعين منها هزوم
وغصبٍ على عدوانهم حرروها = بالباس والحيله وقو إعزوم
تفاخرت بالمجد والعز والشرف = وفازت بقولة نعم قبل اللوم
وهذا من الله وثم من طيب حظهم = ياعل حظ اهل الصخى يدوم
يدعي لهم ماكان عودٍ عاجز = ورملٍ عليها من السنين ثلوم
وصفتهم مثل الظلال لشعبهم = ظلال لا بردٍ ولا سموم
صباح مثل الغيث لأهل بلاده = ياعل بطنٍ عقبه مرحوم
وجابر ولي العهد هو زيزومها = لا صار من بعض الدول مزحوم
ينقض ويفتل لين يحل عقدها = ولحدٍ درى في سره المكتوم
وسياسته تشدي لخطٍ بالحجر = وخط البحر ماشيف فيه رقوم
ياعلهم مثل الجبال الراسيه = من اول التاريخ لآخر يوم
ياجعل رفيع العرش يقبل طلبتي = في جاه من تم الصلاه والصوم
ليا طلب بساعةٍ مذكوره = يوم ان كلٍ غارقٍ بالنوم
والخاتمه ذكر الرسول محمد = بذكر النبي المصطفى مختوم
(( 2 ))
يادار عيدتي عسى عيدك سعيد = جعله يعودك كل عام ورى عام
دارٍ عسى حكامها عزها يزيد = دار الصباح اهل الصخى ساس الاكرام
كلٍ دعالك بالسعاده وتمجيد = يوم انها قامت ترفرف لك اعلام
انتي تحررتي بعزٍ وتزويد = والشعب عيّد يوم شاف السعد قام
ياعل حظك كل يوم بتصعيد = يادارنا يا ام العطايا والايتام
الله عطاك من السعاده بتمديد = من عقب عصرٍ فيه للغوص تسقام
واليوم جوك من العرب ناس بعيد = من الشرق والجبله وناسٍ ورى الشام
الله يجيرك من عيون الحواسيد = صرتي لنا زرعٍ تمدد له اقسام
موارده ماتطلب النفس وتريد = من كل ميوات ومن اصناف الانعام
صرتي كما الوالده على راضع الديد = يرضع لبن غير الملاحظ ليا نام
وصرتي كما النشوه وخيرك بتمديد = سبحان ربٍ عز نشوات الارحام
كل يقاتلك بكل خونه وتهديد = لاشك ربي حطله دون بلام
وعوّد معيف من الندامه وتنكيد = من دونها ملوك العرب فعل واحكام
عقب الندامه صار مشيه بتحديد = ماكنه إلا شايفٍ دحرة الهام
وهذي عوايدهم على ناقل الكيد = لاصكت الشبحه على البطن بحزام
وهذا كلامٍ فيه يظهرلي شهيد = ومن لا شهدلي فيه للحظ هدام