صوت : يوسف الدواي
يامسلم الدواي وش فيك سرحـان = عقلك عسى اللي ماخـذه يهتنيبـه
سولف عسى مايلحقك ضيق واحزان = منهو يضيق خاطرك وش تبيبـه ؟
كانك على اللي راح للحين شفقآن = هذا القـدر مكتـوب كلـن يصيبـه
سولف تراني حيل ياخـوك زهقـان = مثلك تراني بالهوى لـي مصيبـه
ادري خسرته بس انا الحين ربحان = عقب السهر هالنوم صرت اهتنيبـه
ماقلتلي وشفيك ضآيق وطفشـآن = حالتـك هـذي يامسلـم غريبـه ؟
طبعك تسولف مايجي فيك نقصـآن = والحين اشوف الحال حاله كئيبـه ؟
اسمع وانا الدواي خل عنك الاحزآن = اللي يضيق خاطـرك وش تبيبـه ؟
صـدى : مسلم الدواي
يايوسف الدواي سرحان بنسـان = اللي بوسـط القلـب زايـد لهيبـه
اللي عليه القلب ياخوك عطشـان = اطلب رفيـع الشان يمـي يجيبـه
ان كان عيني دمعها لـك مابـان = يومك تشوف انسان يذكـر حبيبـه
يومك تشوف انسان للقرب ضميـان = ياشـاعرن كـل المـلا تعتزيبـه
انا اعتقد ياخوك للحب ماصـان = وانا اعتقد ياخـوك راح بنصيبـه
لانـه قبـل مده يجي لي عجـلان = والحيـن قفـا ياصحيبي عجيبـه
اللـي جحد بالناس لو كان ماكـان = صيته ترى يصبح سوات الدبيبـه
واسمع وانا الدواي من راح خسـران = لا واللـه الا جـاه شيـن يعيبـه
( رديه بيني وبين الشاعر مسلم الدواي )
( تقرير عن مشاركة مخالفة ) ، و الموجودة أسفل كل مشاركة .