أنا مرات عقلي لاسرابي=يجيب اللي يزودلي عذابي
أهل الدمع لامنه فجعني=بكل اللي مضالي فى شبابي
يجيب أغلى ماراحت به سنيني=غشيمن منه عذبني صوابي
مايتركني على النسيان مره=ولايترك مايطوى فى كتابي
من الصفحات لامن مد صفحه=يهز القلب بسبابه ثيابي
يذوقني من الاحزان حزنن=شديدن منه يذهبني ذهابي
أضن الحزن هذا لو يذوقه=جبل خلاه ممسوس الترابي
على ذيك الليال اللي مضت لي=دموعي مثل همال السحابي
أنا وشلون أبنسى ذكرياتي=وهي لي للسعد مفتاح بابي
ماوالله خافقي يدله وينسى=ماذاقه من لذيذن فيه ذابي
هوى قلبي يهزه كل ليله=ويسرى به مثل مسرى الذيابي
بعد ماكان غايب عنه جاله=وقال أبشر بوصل إبلا غيابي
بحلم الليل خذ من وصلي اللي=يردك يم وقتن فيك طابي
ولامن صرت صاحي حن ورجف=مثل رجف المدافع بالحرابي
فراقي عنك طايل وأنت خلك=تجر الصوت إلي فوق الهضابي
خلاص اللي مضالي معك ولا=على رده لاتحسب له حسابي
ماهو راجع يالين تشوف ضلك=رجل مثلك يبادل إلك الخطابي
صحيح إن الهوى ماهوب دايم=له سنينن ويحجب بالحجابي
عقب مايكون بيدين البنادم=يشوفه مثل وضاح السرابي
تخليه الملذه والسعاده=لحزنن يضربه ضرب الجنابي
فلاوصلن يدوم بدون فرقا=ولابه ضن لامن صاب خابي
ولاعقب الصداقه والمحبه=ياكود الكره وسلومن تسابي
ولاتكشف سريره عند قومن=بليلن كود من نبح الكلابي
ولايدنس شريف العرض ضالم=مدامه للردى ماهوب حابي
يضله من حفظ رزقه وستره=بضلن من ظلومن مايصابي
فاإن المتهم مهما تبرى=من علومه يضحك كل نابي
يبينّ كل مايجحد عيوبه= على بيته لياحام الذبابي
فوالله مامشى من حب قلبي=بدربن تتسع منه المخابي
شريفن ماتغير يوم طبعه=ولامسه من الديبان دابي
رحل والقلب من سبة رحيله=جروحه تلتهب منه إلتهابي
عزيزن كنت هاقي عن عيوني=ليامن غاب بالكلمه يجابي
ولاكن الغياب اللي غدابه=غياب اللي مايسمع له جوابي
فراقه صار بس اللي لايمكن=خفوقي ينسحب عنه إنسحابي
مدام إنه هو أول من سكن به=فلا ينساه لو شاب الغرابي
وأنا ببقى من الفرقى معذب=ورد الزاد عني والشرابي
ماذوق إلا من المر المصفى=وردد فيه جزلاتن عذابي
التوقيع - حمد بو ضريس العازمي
أنا ليامن غبت غيبه طويله= أرجع معي شعرن يعوض غيابي
هوى قلبي
( تقرير عن مشاركة مخالفة ) ، و الموجودة أسفل كل مشاركة .