أه من همي اللي كل مانمت ماخلاني=من منامي يقومني ومنه تهل إدموعي
له شهورن بقلبي ماعرضته على العرباني=كاتمه وأضحك إلخلق الله إبضحكي المصنوعي
واجد اللي يحسبوني سعيدن وأنا حزناني=مادرو عن همومن كل ليله تفج إضلوعي
أتعذب وأقول الله هو الواحد الرحماني=مايخلي عباده فى نهار الضما والجوعي
أشتكي له ولاأشكي هم قلبي على من كاني=لني أدري هو اللي منه مايموت عشب القوعي
باسط الرزق فوق الارض منشي من الامزاني=غيث لو قال كوني منه ياطفاف الارض إزروعي
منه تلبس خضارن ينتج الخوخ والرماني=رحمته تسعد اللي قلبه إمن الشقى ملقوعي
دام أنا عبده اللي بمره إيصير شاني شاني=والله إني على غيره ماقول إنظر إلموظوعي
بتصبر ولو بالسجن يسجني الدياني=وتحمل قطيعة من جحد طيبي المدفوعي
يوم حده زمانه قلت ياطيب الجداني=هاك مملك ولاإتقول العطا ياحمد مرجوعي
نام ورتاح والياظقت من شي لاتنساني=عدني ذخرك اللي عن خفوقك يزيل الروعي
كم تجملت بالعالم وأنا عاجزن فقراني=لاكن الله على عجزي يسهل لي المشروعي
من قصيدي عقب ربي عن إفلان وأيظا إفلاني=كم صفعت القهر عنهم وراح الشقى مصفوعي
غير هذا جميلن ماني إبذاكره بلساني=من يميني شمل صدقان وأفراد وأيظا إجموعي
كنت أضن الكرم والطيب مني على كرماني=لاكن الوقت صحاني على خمتن وظفوعي
أه لو يدري الانسان عن طبع كل إنساني=كان ماحصل الجحاد عند البشر قرطوعي
لاكن الامر لله ماهقيت الجزى نكراني=لاولاكنت أضن إبيوم مالقى شبيه إلنوعي
كنت أقول الحساني تنجزي دوم بالاحساني=لاكن الظيق قدم معدن الناس إليّ بسبوعي
والله إني مامد الكف للعالم الجحداني=لو غدايه على فارة خلا والعشا جربوعي
دامني تحت رحمة واحدن ينجي الغرقاني=إغرقي بالردى يالراديه ورقدي لاإتفوعي
بكره إمن الولي يفقر جحود الكرم ويعاني=ثم بالخير يرزق من لقى خيركم مقطوعي
يوم أنا رجل مانخى لاإصدقايه ولاعدواني=الحيا والله إني ماتركه لين أحب الكوعي
الليالي لها صوله وجوله على الردياني=مثل ماتكدر الطيب تكدر ردي إطبوعي
كل منهو تردى بي لياإحتاج لاينخاني=لن ماعاد إله عندى على إجزوعه إلا إجزوعي
قلت مافي ضميري وإنتهينا من القيفاني=إكتمل شرحها والباب عن بعظها مردوعي
التوقيع - حمد بو ضريس العازمي
أنا ليامن غبت غيبه طويله= أرجع معي شعرن يعوض غيابي
أه من همي
( تقرير عن مشاركة مخالفة ) ، و الموجودة أسفل كل مشاركة .