ياحضرة الضيـق / يامنبـع معاناتــي = لي كم شهر وانت ثابت ماتخليـني ؟
عزالله انك غثيث وتعّرف اوقــاتي = لاجيت ابفرح تزعلنـي وتبكيـني؟
ماهزك اشعـورك القآسي بضيقاتــي ؟ = اطلق صرآحي ترى اللي فـّي كافـيني؟
ابشرك فوق ضيقاتي وعبـراتي ؟ = الصآحب الغالـي اصبح مايحاتيـني؟
ان غبت غاب وتركنـي وسط حسرآتي = مايعلم بحآلـتي مايدري اشفيـني ؟
مايدري انه سبب ضيقي ودمعاتـي = وشلون احبـه واهو مايعتني فيـني ؟
عطيته اغلا شعـور وطيـب نيـاتي = واهداني اهمالـه وضيّق لي اسـنيـني
الصبـر طاف وتعـدى فوق قدرآتي = حتى زماني على جرحـه موصيـني
الحزن واضح تشوفـه داخل ابـيـاتي = لو مانطقـته كتبته لك من ايديني؟
لو الزمن قادر يعوض خسآراتــي = ماكان شفت الحسايف يانظر عيني؟
هاتي جروحك بعد يادنيتي هاتــي = خليتي الكون في حآلـه وجيـتيـني ؟
هي خاربه خاربـه زيدي بلوعاتـي = غثيني اكثر طلبـتك حيـل غثـيني
مدام راحت من ايديني علاقاتــي = وش لي بدنيا اذا بضحـك تبكيـني ؟
ياحضرة الضيق / ياسـبة معاناتــي = زيد الحزن لو سمحـت ولاتخليـني
حضرة الضيق
( تقرير عن مشاركة مخالفة ) ، و الموجودة أسفل كل مشاركة .