بعد ماسرى ليلي دنى الشعر من معناه=حضر بالجزيله والجزيله تكفيني
ثلاث إسنوات إمغيب ياطولهن طولاه=قضن وإنطون واليوم من صبح ناصيني
حضر مثل من لاجاع لج العرب بعواه=يبي من خفوقي جرح ينزف ويذيني
صحيح القصيد إيسر قلبي لياغناه=ولاكن من شلفاه لابد يدميني
يمد الثمينه وإن شرينا ولابعناه= يقول أنت ليه إليا عطيتك ماتعطيني
أبي منك بسمي تذكر اللي على ذكراه= دموعك تهامل مثل دمع المساكيني
ليامن عصيته زاد فى خافقي حماه= ولاأذوق منه إلا عذابن يعنيني
قصيدن ليامني نسيت الغرام ألقاه= على الذكريات اللي مضت لي يصحيني
يذكرني اللي كل مالاح لي طرياه= يفز إله قلبي مثل فز الشياهيني
حبيبن علي غالي تجرعت من فرقاه= من السم مايهلك شعوب السلاطيني
أحبه مثل حب الغناوي على ماجاه= من المال مايشبع به الهند والصيني
وأعزه مثل مايعز عودن وحيد أحياه=على كبر جاله عقب عقمن من إسنيني
عليه أدخل الفرحه ومنه صفت دنياه= عقب صبره الله بدل الشين بالزيني
أنا ماتمثل كذب باللي سحر عيناه= عن الدين يرجع بي لسلم المحبيني
ذبحني غلاه اللي مسلط علي بلواه= معذبني إبهمن من إسنين مشقيني
حبيبن ليامني بغيت أجحده وأنساه=لقيته بحلم الليل للعشق يدعيني
يجيني بهرجن عذب سبحان من صفاه= عن الشينه اللي يم ماشان ترميني
كلامه سواة اللي على الارض ينعش ماه= ليامن سمعته قام بالعشق يحييني
عسى الله من اعيون الحسد والنكد يحماه=ولاإيضره اللي ضر بعض المزاييني
من القلب أنا أدعي له ولاأبغى ياكود إرضاه=ولقياه لجل أعلمه وشجرى فيني
بعلمهّ لاكن عني أبعد مسير إخطاه= ولاأدري بدارن حل نسل العريبيني
رحل ثم ترك لي جرح ماسر فيه إدواه=ودمعن مايذرف كود لجل العزيزيني
عسى الله يبيح اللي مايسكن مثل شرواه= بقلبن ماعمره خان بالسين والعيني
أبصبر ولاعقب الغلا غير من يمحاه= ولاأقول غير الله عن العشق يهديني
التوقيع - حمد بو ضريس العازمي
أنا ليامن غبت غيبه طويله= أرجع معي شعرن يعوض غيابي
بعد ماسرى ليلي
القصيده من الارشيف
( تقرير عن مشاركة مخالفة ) ، و الموجودة أسفل كل مشاركة .