ضاق صدري وصدري كل ليله يضيق=من همومن تحوف القلب ويحوفها
كل مارتحت شبت وسط قلبي حريق=ثم عفت الحياه اللي كذا اظروفها
أشتكي للولي ثم أشتكي للصديق=واترك العالم اللي رادي ن طوفها
مايصون السريره كود رجلن وثيق=قرم ماهو كما اللي تتبع اشفوفها
أعرف البوم وأعرف كل حرن طليق=وأعرف اللي تدس الشر فى جوفها
بالاوادم يجي لك واحدن كالشقيق=يوم أشقاك ترفع قدمك اسيوفها
وأحمد الله نسل ابوي وقت المضيق=شفت وقفاتها ثم شفت معروفها
الردى مايحصل للنشاما طريق=والردايا تعوف الطيب ويعوفها
كم رجلن سبح بالدين وأصبح غريق=ثم فكتّه ناسن بيضن اكفوفها
مثل مافيه رجلن من حياته زهيق=وإقهرّته الليالي بقشر اصدوفها
مالقاله عوينن فى حواله يويق=كل نفسن تشوفه تضرب ابلوفها
دايمن منه دمعه فوق خده دفيق=من همومن تسل الحال وتلوفها
بالزمن ذا يموت الحر موتت شنيق=يوم بعض الطيور اتعيش برفوفها
قل راع الحبابه والخفوق الرقيق=واكثرو عالمن تنعاف من شوفها
صار ذا له فريق وصار ذا له فريق=شبو النار ثم إحترقت اصفوفها
بختلاف الامور الكل عيا يطيق=ذيك مستامنه وهذيك بحتوفها
لاح برقن وبرقن من بداله بريق=النقط منه عيت تركب احروفها
الزمان الجديد أخلف مسير العتيق=والاوادم معاد اتشوف من نوفها
الحسد ماترك لذه لطعم الدقيق=وأشرس الناس قامت تاكل اظعوفها
أصبح الصدق فى هذا الزمن مايليق=والقراده ماخلت خير لزهوفها
تكبر المده اللي من يدين العتيق=ثم يعصف بها للجور عاصوفها
أكثر الناس من حرمان ذاك الرحيق=ماتت احلامها ثم ضاع مصروفها
وين نلقى مثل مرسى وهيبة طويق=ينصف الناس ثم إيطيبّ اشفوفها
يسحق العايل اللي للأوادم سحيق=ويحماها عن اللي زوّد ابخوفها
قل متى بي وقتن يالسنافي تفيق=المصايب علينا ساقة اصنوفها
البري بجريرة فاعل الشر سيق=يم دارن مايسمع صوت لهتوفها
والمنافق ماتلقى قدم رجله معيق=والسراريق شالت حقك اكتوفها
أدري إنك ماتقدر من همومك تحيق=ياضعيفن عليك إتقلط اخشوفها
خلها دام قدمك شر يصعق صعيق=منت منها مبدلتن بك اظيوفها
ماوراها ياغير الجوع مع نشف ريق=دربها السمح ماهو لك لك اجروفها
نام مهموم مالك نظرتن من شفيق=ثم قل كلمتن تحسب لملقوفها
غاب راع الصهيل اليوم جر النهيق=ياحمار الغنم ياحافظ اوصوفها
التوقيع - حمد بو ضريس العازمي
أنا ليامن غبت غيبه طويله= أرجع معي شعرن يعوض غيابي
ضاق صدري
( تقرير عن مشاركة مخالفة ) ، و الموجودة أسفل كل مشاركة .