الخفوق السقيم

[حمد بو ضريس العازمي]

أه من علتك يالخفوق السقيم=لى متي وانت يصلاك جمر الجحيم
أسألك بالولي توب عن منت فيه=ثم خلك مع أطيب عباد العظيم
لاتضنك بما ترتكب معتدل=وأنت للحق والنور دايم خصيم
طيعني خل من للخطر يسحبك=وإتجه للسلامه بدربن سليم
أنت عذبتني حيل وأشقيتني=منك ماشفت غير التعب يالغشيم
كم من الناس من صلح قلبه سعيد=وأنت دايم معي بالتعاسه كريم
ذقت منك المراره وذقت العذاب=والسنع منك ماعاد فيني مقيم
ماهقيتك عدون ولاكنت أضن=منك أذوق القهر يالصديق الحميم
قلت لك ماني إبتابعن طرقتك=خلني بالسفر عن هذاك البهيم
كان ودي قبل لايشق الفجر=أتوحى لصوت الزهيد الحشيم
وإن سمعته يقول أقبلو للصلاه=أتوضى ووقف ورى المستقيم
كنت أبي راحة البال والمغفره=والحساني وترك الطريق الذميم
مع صلاة الفجر حفظن إمن الولي=مستمرن مع الادمي للعتيم
قلت لك خلنا نكسب أفضالها=لاكن أنته عنيدن ماتبغى النعيم
تدفعك نفسن إتعوم بذنوبها=للهوى والغوى وإتباع الرجيم
كل ماتقوم من غفلتك ردتك=للمنام العميق إبضياعن قديم
خلتك لي عدون ماتجلب علي=غير شرن مايقهره طب الحكيم
عقب ماكنت أحافظ على كل فرض=صرت من سبتك للندامه نديم
جيتني بالهوى ثم منك عوى=ذيب غرقان بالنوم بقصى الصميم
قام من سبتك ينتقى للغزل=مثل ماقاله إتويم لبّنت قطيم
ليه خليتني عاشقن مبتلي=وأنته اللي بما فى حياتي فهيم
تدري إني حياوي ولاكنت أبي=الشقى والتغزل بزين الحريم
من سبايبك طحت بهوى جادلن =عذبتني عذاب المرض للسقيم
لونصيبي بيدها علي إمنعت=لاتزود بزادي وشم النسيم
حطمتني ومنها جرت عبرتي=فوق خدي كما عبرتن من يتيم
أتعذب وأنا العاشق المنحرم=من كلامن بغيثه يغيث المحيم
صدق أنا همت فى حبها لنها=صايبه ماتزعم عليها زعيم
بنت قومن على مجدها شرفت=ماوراها لاعشقن ولاسين جيم
همت فيها وهي من قرت سيرتي=إعرفتني شريفن ولاني لئيم
طيبن ماجنيت الخنا والردى=أتبع النور وترك ضلام الظليم
ماسعيت برداها بيومن ولا=قلت للنار خلك سواة الهشيم
كنت منها مادور ياغير الكلام=بس أضن المطر مايجي دون غيم
راحت بدربها ياعسى سترها=مايجي تحت رحمة خبيثن شتيم
وإلا أنا والله إني عقب مارحلت=لعسف اللي بسبته بحت الكتيم
والله إني لتوبه وإن تاب قلت=فى ماحرم وليّك لاعادك تهيم
احفظ الدين وإتبع طريق السلف=وابشر بخير وابشر برحمة رحيم