يازماني وين محبوبن هواني=وين محبوبن هواني يازماني
ليه مني تاخذ الترف المعرب=وأنت تدري به يبيني من زماني
وين وديته عقب ماكان عندي=عن مكاني ليه تبعده إل مكاني
قلي إنكانك لمن ينشد تجاوب=وإخذ مني عهد مايذمك لساني
مطلبي منك مافيه أية صعوبه=حق وأنته ليه بالحق إتعصاني
قلت رد اللي يهل الدمع لجلي=صاحبن باع أكثر العالم عشاني
لاكن أنته يازمن بالحيل قاسي=لو تزين بيوم دايم شقلباني
من سبايبك العيون إتهل ماها=والخفوق يسيل دمه بالمحاني
الحبيب اللي حرمت العين منه=ذقت من فرقاه ماحطم كياني
أتعذب من فراقه كل ليله=وأنت ماقصرت وافى بمتحاني
كل مسمع له خبر فى كل ديره=أنتهض وروح للمحبوب عاني
وإن قربت لشوف معدوم الوصايف=رحت به روحة عن الصيف اليماني
والله إني يوم أوجه لك قصيدي=وترجا منك شوفه بالمعاني
خابر إنك منت ناطق بي حاجه=لين ماتنطق جذوع الخيزراني
لاكن اللي حطني بالحال هذا=الهبال اللي على لومك حداني
أه لو يرجع حبيبي والتقي به=وشرح إله اللي من الهجران جاني
وش بقول لصاحبن عذب خفوقي=بالغياب اللي خذا حول الثماني
أبتدى له بالسهر ودموع عيني=أو اقول إن المرض منه دهاني
أو اقول إني عقب ماغاب عني=عشت مع همن عن العالم طواني
يمكن إني مقدر أنطق بي كلمه=لن من شوفه يجي للعلم ثاني
إرتباكي منه غصبن عن شعوري=أشهدن الله من خلي بلاني
بحترامه وبصيانة حبه اللي=للشقى عن لذة الدنيا خذاني
كل ماطلع منه وطلع من جحيمه=ردني بالشوق وبناره رماني
حب عذبني من اللى دوم طيفه=مايفارق خافقي لو ماعطاني
من حنانه من وجوده من كلامه=أو من اللي فيه مثل الحمبزاني
حارمن نفسي من الحق الطبيعي=مادرى إن الموت من فعله نصاني
كل مافكر بحالي وبعذابي=قلت ليه الترف من شره جزاني
ليه مايسوى سواة العامريه=ويغمرني بالمحبه والحناني
دامني وياه طول الوقت صافي=ليه مايصفى على حبي ثواني
أشهد إني بالقطيعه ماهقيته=لين بان الجور والمرسوم باني
صد عني يوم أنا فى كل شده=لابغاني طيب المجنا لقاني
خان فيني يوم أنا مايوم خنته=طاع فيني كل مايقول الهداني
كبني للحزن معدوم المسره=من حياض الشر والعلقم سقاني
شان طبعه مير عيا إيشين زينه=أه من زينن على خلي سباني
وش بقول بزين من قررت أزيله=من خفوقي يوم من ناره كواني
فيه وقفه ولتفاته وإنهزاعه=من غزال الريم ماخذهن ظماني
والجديل اللي وصل من تحت ردفه=كنه من ذاك الاصيل إبن الحصاني
والحجاج مقوسن مثل الهلالي=والجبين إيشع بالنور المصاني
والعيون عيون ممدوح الهدادي=أشقرن ماجا على صقرن جباني
وإن نظرت الخشم كنه سلت اللي= فاز فيه اكليب من تبع اليماني
والشفايا لاهرج كنه ماينطق=حمر مردوعات واللو لو ثماني
والخدود إمورداتن ماعليهن=من تجاعيد الزمان المشهباني
شال عودن ناعمن ماكنه إلا=عود موزن لاطرقه النود لاني
أه لو ماخيب ضنوني حبيبي=كان مابعته ليامنه شراني
بس أنا رجلن معي نفسن عزيزه=ترتفع للعز عن وكر الهواني
من رحل عني فنا حرن وبرحل=عن غرام اللي لقربه مادعاني
لايضن اللي عليه يذوب قلبي=بقضي العمر إبعذابي ونهتاني
يذن رب البيت لابده يجي لي=يوم وانسى فيه محبوبن نساني
دام منه العطف والتقدير ولا=فالجزى مني جفاي لمن جفاني
لازم إنه يعرف إني دوم اببقى=بالشموخ اللي على العليا بناني
مايهين النفس من مثلي لمنهو=حي لاكنه من الاحساس فاني
رح ياخلن ماعلى مثلك حسوفه=وإعلم إني ماطرد اللي مابغاني
لي معزه والكلام اللي بقوله=يخبرك ياصاحبي بمري وشاني
من عرفت العلم والعز بحشايه=ساكنن والذل ماعمره وطاني
عشت بالنفس العيوف اللي ماتمشي=غير فى دربن يعز المودماني
صادقن ومعاشرن قرمن وصادق=ومتجنب عن طريق المشبهاني
عاقلن ولا أحقر العالم لاكني=رجل أبادل بالنظر كل من يراني
لاعشقت اعشق من البيض الشريفه=وإن رحلت اترك لها عرضن وأماني
وإن كرهني من غمرته بالمحبه =عن وداعه لو تعذر ماثناني
حالفن واللي من الحلفان قلته=والله إني مرجي اللي مارجاني
الفجوج وساع واللي له كرامه=يبتعد عن من غدن فيه الحساني
مايلام الحر لو يكفخ جناحه=للجبال الشم عن روس الطماني
يرتفع واللي تلام أهل السفاله=بالامور اللي من العالم تداني
للهوى حدن ذميمن مايدوسه=غير مهيونن ضعيفن بهلواني
والله إني ماقرب اللي ماقربني=دام لي نفسن عن العيب إتحماني
خذ طوال الوقت يامن غبت غيبه=الرياح إلها وراكم ترجماني
عقب ماكنت اعشقك بالحيل عفتك=وأحمد الله يوم عن حبك هداني
قلتها وإنكنت منت مصدق إني=قلتها بالمنتدى فقرى بياني
التوقيع - حمد بو ضريس العازمي
أنا ليامن غبت غيبه طويله= أرجع معي شعرن يعوض غيابي
يازماني
( تقرير عن مشاركة مخالفة ) ، و الموجودة أسفل كل مشاركة .