عذابي طال

[حمد بو ضريس العازمي]

يقول اللي دموعه فوق خده= من أسباب المفارق باح سده
عسى من لامني يبلاه ربي= بهمن مثل همي والموده
ترى راع الهوى ماهو بكيفه=خفوقه يم من حبه يحده
يعذب خافقه زين الطبايع=ويسهر والغضي فوق المخده
يحاول يترك الحب وهمومه=حزينن والهوى ماهو بوده
وأنا همي وغمي من حبيبي=حبيبن عذب الخفاق صده
صبرت وطال ياهل العرف صبري=وحيلي صبري اللي طال هده
من اللوعه ومن حرمان خلي=أخذ قلبي من الاضرار قده
أذاود عبرتي فى كل ليله=ونوح إمن الجروح المستجده
تركني من بلاني بالمضره=بهمن مثل حد السيف حده
مثل حش النوامي حش قلبي= وعيا عقب حشه لايهده
عذابي طال واللي مادرابي=ماسالت دمعته من فوق خده
سعيدن مهتني ماذاق لوعه=من اللي بيّد العشاق مده
عليه العين تبكي كل حزه=وقلبي يمه الذكرى تهده
مثل هد أشقرن هده سنافي=على خربن تغدابه بخده
ليامنه طرالي صافي الخد=على صدري خفوقي قمت أشده
يطير أحيان واحيان إبيديه=لصدري قوة إيديني ترده
متى عقب المفارق والقطيعه=أواجه من عليه الوقت أعده
واقول إرحم عسى الخلاق يرحم=أبوك اللي معرب جد جده
تراك أتلفت قلبن فيك هايم=مايبغى من عيونك غير لده
يحصل من وراها عطف وإلا=موده مابعدها من موده
هذا مابغاه وإن ماصار هذا=عقب حبك خذ إمن القلب ضده