يالطيف الروح

[حمد بو ضريس العازمي]

يالطيف الروح مال الصد داعي=إقبل الله يقبلك يانور عيني
شوف حالي منك ياذرب الطباعي=مايسر الحاقدين الحاسديني
ليه للهجران فليت الشراعي=طالبك وشجاك مني ياضنيني
عطني اللي مزعلك قبل الوداعي=وإخذ مني مايوردك اليقيني
يشهد الله فيك ماخنت المساعي=حافظك حفظ الامانه باليميني
أذكر إني عنك ضديت الافاعي=ماتركتك لقمتن للمجرميني
من غلاك أدفع حياتي من دفاعي=وتحمل لجلك الحمل المتيني
كان حبي لك ماهو حبن صناعي=كنت أحبك مثل حب الاوليني
صادقن وياك والشاهد يراعي=يوم يكتب لك من الشعر الحسيني
يغرف إمن القلب جزلن لو يذاعي=يبكي الكفار عقب المسلميني
أكتبه فيك أنت من زود إقتناعي=إنك أنت اللي على عهدي وديني
ماهقيت إن الجزى منك خداعي=لاولا صدقت للضيق إتحديني
أثر مامعك الخفوق اللي يراعي=الشفوق اللي يبادل بالحنيني
من قساك إتبيع رجلن مايباعي=ماغدربك من قديمات السنيني
طعت فيه العاذل اللي مايطاعي=وإنكوى منك أنت قبل العاذليني
عقب وصلك شاف منك الانقطاعي=ونغبن ثم عاش من عقبك حزيني
شاعرن ماشاف من حبك متاعي=عذبه طاريك والهجر المشيني
كل مايذكرك من قاعن لقاعي=دورك ثم رد يزعج بالونيني
كم من أسبابك من المرقاد فاعي=ماهتنى مثل العباد المهتنيني
ماينام إلا لاشاف النور شاعي=ساهرن والناس حوله نايميني
ماهقى بطشك مثل بطش السباعي=ياقوي القلب يالسيف السنيني
كان لامن بيّده منك الصراعي=يحسب إنك عقب ماتقسى تليني
مادرى إنك للقسى حاديك داعي=كل يوم إتطاوع إبليس اللعيني
أه لو تطلع على مانشد شجاعي=ثم تجاوبني على بلواك فيني
بس قلي وش يفيدك من ضياعي=جاوب المحزون بالسر الدفيني
قول لجل الوصل لاتمد الذراعي=ثم أقول إيديك لاتلمس يديني
قدم اللي ينتهي منه النزاعي=ورتحل عني رحيل الميتيني
عقبها لاتقول ماينعاك ناعي= لاسكنت القبر تبتسقيك عيني