عتابك عذاب ودمعتينك ( فـراق / وضيـق )=طلبتـك تـرانـي منكـسـر لا تضايقّـنـي
من البارحه كلمتـك علـى الخفـوق تويـق=ومـن البارحـه وحبـال صدمتـك تخنقّنـي
لا تزعل ليا منـي سكـت,, وبلعـت الريـق=وش اكبر من ( اني احلف ولا تصدقّنـي) ؟؟؟
انا انسان ما املك سد مأرب وضلـع طويـق=لكنـي معـك لـو وقفتـي معـك تغرقّنـي
ولا تلحقـك شكّـه مـن البعـد والتفـريـق=علي نـذر ليـن امـوت مـا قلـت فارقّنـي
معك معك ما اعـرف المجامـل ولا التلفيـق=علـى مـا تبـي نفسـك اخذنـي ووهقّنـي
انا من التعب ما نمت ,, ليله ,, عشـان افيـق=طموحـي يقدمـنـي والاقــدار تفهقّـنـي
رسمـت امنياتـي وامنياتـي تبـي تحقـيـق=تجي ما تجي ؟ مدري ,, عسـى الله يوفقّنـي
ليه ازعل وانا بنادم ( لو اطيق مالا اطيـق )=تـدور السنيـن وسـارق العمـر يسرقّنـي
نسفـت الهـمـوم وقـلـت يالله بالتوفـيـق=ولحقـت الامـل يـوم ان الاوهـام تلحقّنـي
ابكتب على جرح اقرب الناس (( لااا تعليق ))=مـا والله اخـوّن فـي رفيـق ٍ مرافقّـنـي