لأجل الوطن ياليلي السماري=أسهرك وأهجرس وأصيغ أفكاري
ولاجا نهار الوقفة المعنيه=قدمت روحي قبل نظم أشعاري
قالوا صدر قرار فالشرقيه=قلت الخبر يانشرة الأخباري
قالو إبن نايف تعين فيها=قلت إيه ياحي الخبر والطاري
هذا ولد نايف عريب المجنا=اللي نشيد بسيرته ونماري
يحفظله التاريخ طيب أفعاله=كفه على حل الصعايب ضاري
وسعود مثل أبوه في منهاجه=حرٍّ ربى في ماكر الأحراري
أصعب أمر لامن تعقد حله=يملك عقل نيّر وفكر إداري
أفضل خلف لأفضل سلف فالمنصب=أقولها والكل في ذا داري
ولاهنت يامحمد وفي حفظ الله=دربك خضر ياوافي الأشباري
وفيت ماقصرت والله شاهد=شكراً دبل مليار في ملياري
والمهرجان الناجح المتطور=على نجاحة كل موسم ضاري
في كل عام إيجدده نجاحه=لين إنتشر في ساير الأقطاري
والعام هذا لابسلّه حله=تجمّله في حضرة الحضاري
اللي يزوره في حياته مره=يعاود الجيه عليه إجباري
يبهر مساييره من أول وهله=في كل حاجه يلفت الأنظاري
برامجه مميزه ومنوع=من روعته في روعته تحتاري
أرضى طموح الشعر ومحبينه=وأرضى طموح ورغبة الصقاري
واللي يحب تراث أهلنا الأول=يرتاح لازاره مع الزواري
والفضل من بعد الله وتوفيقه=للي يدوس الصعب والأخطاري
يعيش أبو جاسر ويسلم راسه=نقولها في سر ولا إجهاري
عن خدمة بلاده وخدمة دينه=ماقدم التبرير والأعذاري
هذا إختصار السالفة والمجمل=الثرثره مافادت الثرثاري
تمت وصلى الله على سيدنا=والله يعزك يامليك الداري