صوت ..
فهد الدواي
سلام تسليمة وفا ياصاحب القلب السليم = من روح زفت لك من الترحيب مايحلالها
جيتك وانا ادري بك تعرف بقصة الجرح الاليم = واللي دموع عيونها ضيَق عليها بالها
ياشين وجه السالفه لو هو على غيره وسيم = يبكي قهر والنفس ياربي تزيَن حالها
وياحظ.. ؟ يالي في حياته تشبه بَ شخص ٍ يتيم = تحز بَ الخاطر .. وتبغى الام شوف عيالها
الصدر ضايق فيه والحاله غدت مثل الهشيم = ليت الهموم الي غدت به ياحمد في فالها
ارفع يدينك للسما ثم قول يا الرب العليم = ( فرج همومه يإللهي فك عنه اغلالها )
تدري وش الي صبَره في حالته يابن شريم = حب الاصيله .. والصبر موجود في خيالها ؟
ندري صبور < وكاتم الاحساس في ذنب الغريم = ياكبرها كبراه .. لكن في متونه شالها
جيتك وانا ادري بك تعرف بقصة الجرح الاليم = واللي دموع عيونها ضيَق عليها بالها
منت بغشيم بَ قصته ياصاحبي منت بغشيم = اما تجيب العلم ولا تستريح اشوالها
صـدى ..
حمد بن شريم
يامرحبا ومية هلا وحروف شعرك ب َ الصميم = اركيتها في خافقي واعطيتني فنجالها
لكن وانا بن شريم مارد الكريم الا اللئيم = وانا ترى كفو ٍ لها في دقها وأجلالها
شاعر ولكن في بعض الاحيان ماودي اهيم = فَ بحور شعري والسبب ناس ٍ تزيد أهبالها
ناس ٍ تزود فَ الحكي وأطبوعها مثل الحريم = وانا كحلت أعيونها فَ كبارها وأجزالها
لكن تعال اعلمٌك والعلم والله العظيم = مايشغل الرجال دام انه نوى يَ سعالها
والسالفه ياصاحبي من دون سين ودون جيم =ماتحتمل دام الصبر عن كل مايبرالها
وان قاله الله تخضر القيعان من عقب الهشيم = تحيا بها بعض القلوب اللي شكت غربالها
والحزن لو قالو جميع الناس بعيونه مقيم ؟ = أقول ما للكايدات إلا ظهور جمالها
والموقف الحسٌاس مايبغى سوى رجل ٍ حليم = وارزاقنا عند الولي والناس حسب اعمالها