يسعد الله مساء ريم الشمال اللعوب
جادلً تقصر الهقوات من دونها
كل ماقفيت عنها باتجاه الجنوب
اتذكر غلا ليلى ومجنونها
حبها صوب والدنيا واهلها بصوب
عشت كل الحياه ومت بعيونها
تشبه الغيم في لحظات قبل الغروب
كلها زين ظاهرها ومضمونها
بري حالي ليا منه طرقها الهبوب
وانثنت بالردوف وهدت امتونها
جابت العيد والعالم أتحمل ذنوب
ماعتقد يثبتون اللي يشوفونها
والا انا في هواها سنين وازريت اتوب
لاقدر اوصلها والا اقدر اخونها
بيني وبينها سدت جميع الدروب
والعرب ماتخلي اثنين في شونها
فرقونا وكلن بالفراق مغصوب
وحد علمي رفايقها ينادونها
دمعها طاح وانا شب صدري شبوب
يوم شفته تغير وانخطف لونها
وراحت ورحت منها باتجاه الجنوب
والتفت والمباني جات من دونها
شعر _حمد الجودان