احسبني نسيتك واثرني مانسيت
عشرتن لو طواها الوقت ماتنّسا
كل ماقلت عن ذيك الليالي سليت
جددتها الطواري في ليال المسا
اشهدني بحبك والمفارق شقيت
والحزن في خفوقي وبعيوني كسا
اسهر الليل ضايق وانت لي مادريت
واجمع اشتات باقي العمر علّ وعسا
اقضي باقي حياتي بالفرح لاضحيت
واتصادم مع الطاري لامنّه رسا
ماحسبتك قوي بمفارقي وانتهيت
ولاحسبتك تشيل بخافقك لي قسا
من يقول المفارق سهل لامن قفيت
اشهدنّه على ماقال عنّه إيخسا