شبيت جمـر الغـلا والشـوق تنطـق شفـاه=وهبـت هبـوب المشاعـر بالولـه والحنيـن
يلـوح بـرق الامانـي معتلـي فـي سـمـاه=واسوق نوق الهقـاوي فـي طريـق الضنيـن
هذي سنه والغلا محـدن كشـف عـن غطـاه=اجاهـده عـن جميـع النـاس خايـف يبيـن
مـاودي النـاس تعـرف يامحـمـد غــلاه=اخـاف هـرج القفـا والوقـت ماهـو اميـن
كـم واحـد ٍ للعنـا والضيـق وقتـه حــداه=رغم الاسـى ماشكـى والوقـت عيـه يزيـن
وكم واحـد ٍ فـي سمـا رجـواه حلمـه بنـاه=سـاق القـدم فـي طريقـه يطلـب الله يعيـن
يامحمـد الملعبـي والحـب عطنـي دواه ..؟؟=شرواك يبخـص وراع العـرف علمـه ثميـن
تعبت اجامل ظـروف الوقـت وادمـح خطـاه=والملم اللـي بقـى امـن الغـلا مـن سنيـن
اللـي وقـع بالهـوى ماعـاد يلحـق نـجـاه=يخيل برق الحزن والضيق فـي وسـط عيـن
لـو كـل جـرح ٍ مـع العالـم تـلاقـي دواه=ماكان يشكي جـروح الوقـت رجـل ٍ حزيـن
ولـو كـل مـن يطلـب الله يامحمـد عطـاه=ماكان شـح الزمـن فمواصلـه مـن سنيـن
تونـي عرفـت الليالـي والزمـن والحـيـاه=(( وتوني دريت الهوى من غير مذهب ودين ))