هبت هبوب الشوق في قلب مغليك =ولاحت بروق الدمع ساعة ذكرتك
هلت دموعي عند ماحـل طاريـك=ابكي من الفرقا وانـا ماخسرتـك
لاهزنـي نـود المعانـي اغنيـك=اكتبك في شعري وانا ماشهرتـك
تاخذني الذكرى على حلو ماضيـك=واراجع اللي فـات لـو ماقدرتـك
كن المشاعر ودها بـس ترضيـك=وكني من احساس المحبه غمرتك
امـر بيتـك كـل ليلـه ولاجيـك=ارتـاح لامريـت لـو مانظرتـك
صوبك خذاني شوق من قلب يغليك=يزرع بذور الحب لـو ماثمرتـك
في غيبتك صوت القصايد تناديـك=وانا من صدوف الليالي عذرتـك
اجاهد الذكـرى اذا مـر طاريـك=ياللي على شح الليالـي ذخرتـك
رحت المكان اللي تواجهت به فيك=وهليت دمع العين ليـل ٍ سهرتـك
هزتني الذكرى من الشوق تبكيـك=دمعة غلا فالعين بـس مانثرتـك