فلاح انا شفتك اتابع قصيدي= يا مرحبا بك يا عشير المناعير
ان كان هاوي استمع من جديدي=لرضاك لصورلك الشعر تصوير
اقرى وتحفظ كان تاتستفيدي=من شاعرن يغوص في غبة الهير
يا بن الرجال اللي نظرهم بعيدي=افعولهم افعول عنتر وابا الزير
جدي وجدك ينطحون العقيدي=كم فارسن خلوه ياكل به الطير
على بنات الريح تفرا الوريدي=اهل الرماح اللي تفك المعاشير
يومن ولد اللاش قلبه هريدي=ماضي وعيد اللي ضفرهم صعاطير
طلق على خصمه بعلمن اكيدي=وطابها روس الوعر والشناظير
سيفن يسله من فلاذ الحديدي=بيدينهم حدب السيوف البواتير
واليوم امان وخير والله يعيدي=في ظل حكام الوجيه المسافير