يشتاق لك شخصن يقدر ظروفك = لاهبت هبوبك غلا قام حياك
يااغلا من الالماس لمست كفوفك = واحلا من الرمان مزة ٍ شفاياك
احاول اصبر بين ظرفك وخوفك = وانا على باب الامل واتحراك
ياليت كل ماشتاق اقدر اشوفك = ماضاق قلب ٍ يشتكي حـر فرقاك
أكتب علشانك من الابيات وابدع بالقصيد = جواهر ٍ اغلا من الالماس وانواع الحلي
محبتك تجري في دمي من وريد الى وريد = والشاهد الله في سما الخفاق نجمك معتلي
ياغايتي في غيبتك غلاك ماينقص .. يزيد = يالله عسى غيم العواذل عن سمانا ينجلي
مايموت الشوق في قلبي ولو = الليال السود من عقبك تلوع
ذاخرك والبير محتاج الدلو = يوم اشوفك اشبعك من بعد جوع
انت بس لو تتصل وتقول الو = ذاب قلب ٍ يسمعك بين الضلوع
باقي على حبه ولو الزمن طال = مانساه .. لو اني دخلت فـ معارك
اسمه بحرف السين واخره ٍ الدال = شرق الظهر من قبل ديرة مبارك
خابره يغليني غلا والزمن حال = من بيننا ياوقت غيّر مدارك
ادري قرا كل ماكتبته هوى البال = ياليت لو بالمنتدى بس يشارك
ذكرتك البارح على جال الغرام = وامن الوله مريت بيتك والحنين
ساقتني الاقدام والعالم نيام = في شارع ٍ خذيت فيه اول يمين
هزتني الذكرى بعد طال الخصام = واتلا العهد بك يالغلا يوم الثنين