يافهـد ابـن نـاصـر زبــون المطالـيـق=اقــــدع قـصـيــده ياالـسـنـافـي وذقــهــا
قـصـيـدةٍ فـيـهـا عـــن الـطـيـر تـوثـيـق=مــــن واحــــدٍ لا قـالـهــا مـــــا فـهـقـهــا
نـادر حـرار وفيـه زيــن المـثـل سـيـق=مـن هـاجـسٍ جــزل المعـانـي طرقـهـا
مـربــاه روس الـنـايـفـات الـشـواهـيـق=مــن ديـــرةٍ قـلـبـي حـشــى ماعشـقـهـا
شرشاب يحشم عن وجيه المطافيق=سـم الخريـش ان شافهـا مـا عتقـهـا
لاتــل سبـقـه عـقـب طـلـعـه وتـبـريـق=مـــن بـعــد ربـــي عـــدٌه انـــه طـبـقـهـا
لو كـان ترقـى مـن ورى قمـة طويـق=قاطـع علـى الصيـده ليـا مـن لحقـهـا
اليا ارتفع من فوقها شافـت الضيـق=امٌـــــــا زرقـــهــــا زرق والا صــفــقــهــا
لامــن صفقـهـا هـــت كـــل المعـالـيـق=باالـصـايـد الــلــي لاصـفـقـهـا فـتـقـهـا
بـارضٍ خـلا ماشيـف فيـهـا مخالـيـق=ولا داج فيهـا اهـل التفـق مـع تفقهـا
فيـهـا الشمـطـري والـنـفـل والزمـالـيـق=هـي طـب قـلـب الـلـي حيـاتـه زهقـهـا
وانـــا عـذابــي ســيــد كــــل الـغـرانـيـق=سبحـانـه الـلــي باالـوصـايـف فـرقـهـا
الزيـن فيـهـا طــوق الجـسـم تطـويـق=مـن زيــن يـوسـف كــن ربــي خلقـهـا
انـــا مـعـاهـا لــــي عــهــود ومـواثـيــق=هــي سـارقــه قـلـبـي وقـلـبـي سـرقـهـا
يــاروح روحــي يـاعـذاب العشاشـيـق=روفـــي بـحــالٍ كــثــر حــبــك مـحـقـهـا