لمـيـس يــا يحـيـى طــوى الـبـعـد حيـلـهـا=مــاهــيــب مــرتــاحــه ولا طــــــاب لـيــلــهــا
عــنٌــك حــدوهـــا كـــــل حــاســـد ومـبـتـلــي=عــــــــــواذلٍ يـــاجـــعــــل ربـــــــــــي يــزيـــلـــهـــا
الـحــب يـــا يـحـيـى لــيــا طــــال مـشـكـلـه=عــــــزٌي لــحــالـــك بــاالــهـــوى وعـزتـيـلــهــا
صحـيـح مــا قـصـرت باالـحـب والـوفـى=لـمـيـس لــــو ضــاقــت عـيـونــك تشـيـلـهـا
تـشـهــد عــلــى بــيــض الـنــوايــا مـواقــفــك=دايــــــــم تــعــدلــهــا لــــيـــــا مـــــــــال مــيــلــهـــا
وانـــــا بــعـــد بـاالــحــب روحـــــي تـعـلـقــت=مـالــي جــــدى كــــود الـبـيــوت ارتكـيـلـهـا
اضيـق لامــن عسـعـس اللـيـل وابـتـدت=ذكرى الهنوف اللي سطى بي رحيلها
مـاغـيـر اهـوجــس كـــل مـاحــل طيـفـهـا=وانـقــى مــــن خــيــار الـمـعـانـي جـزيـلـهـا
مـاعـنــدي الا الــشــوق والــقــاف والـقـلــم=والـــدلـــه الـــلـــي خـــالـــط الـــبــــن هـيــلــهــا
ســــــــلام يــــامــــن حــيــرتــنــي وصــوفـــهـــا=امـــــوت مـــــا شــافـــت عـيــونــي مـثـيـلـهـا
الله عـطــاهــا الــزيـــن والــعــقــل والــحــيــا=تـفـرق عــن الخـفـرات فــي حــل جيـلـهـا
لا فـلٌــت الاســـود كـمــا عـتـمـة الــدجــى=يــــاقــــدرة الله كــــيـــــف هـــــــــذا جــديــلــهـــا
والـخـد بـــرق الـمــزن لا لاح وامـطــرت=عــلــى الــديــار وهــــل صــافــي همـيـلـهـا
وحـمــر الـشـفـاه الـلــي تــلاعــج ثـمـانـهـا=تـشـفـي جـــروح الـقـلـب مـــن سلسبيـلـهـا
نـجــلا الـعـيـون الـلــي مـــن الله مـكـحـلـه=انـــــــــا دخــــيـــــل الله وبــــعـــــده دخــيــلـــهـــا
فــي عينـهـا اليمـنـى عـذابــي وضيـقـتـي=وفــــي عـيـنـهـا الـيـســرى تــرانــي قتـيـلـهـا
لا عــــــاد يــــــومٍ فـــيـــه فـــارقـــت زولـــهــــا=غابـت وانـا اللـي وســط جـوفـي فتيلـهـا
يالله يــاالــلــي خـــالـــق الـــكـــون والـــمــــلا=تــفـــرج لـنــفــسٍ طـــــاوي الـبــعــد حـيـلــهــا