يالطيـف الـروح قلبـي مانسـاك=كيف انا بنساك يااغلـى عشـيـر
لـي ثـلاث شهورعينـي ماتـراك=ليت لي جنحان تسعفنـي واطيـر
غيبتك طالت ولا ادري وش بـلاك=عل مابك شـي ياالوجـه السفيـر
انت فـي قلبـي ولاحـيٍ سـواك=وانت في عيني كما البـدر المنيـر
ماجرالـي منـك ماظنـي خفـاك=قلبي المجروح في وسطـه سعيـر
والله ان اللـي وطانـي ماوطـاك=متعبٍ نفسي ولا ادري شاالمصيـر
ياغناتـي يـا بـعـد هــذا وذاك=مايصيـر الهـرج هـذا مايصيـر
لا تطيع اللي عن دروبـي حـداك=لاتصـدق هـرج كـذاب و حقيـر
للعـواذل درب تاليـتـه هــلاك=يفرحـون اليـا افترقنـا باالاخيـر
من عذلني عنك قلت انـزح وراك=ما اطيع ولا اشـاور بـك شويـر
الله اللي حـطُ فـي قلبـي غـلاك=عاشقك من قلب واحساس وضمير
والله انـي مـا أبـي الا رضـاك=ياعساك تعيـش ياالغالـي بخيـر