اكذب عليك ان قلت عفتك ومابيك=لا والله الا ياحيـاتـي فديـتـك
انا فديت اسمك ورسمك وطاريـك=وامك وابوك وكل حييك وميتـك
قلبي وعقلي والقوافـي تناجيـك=انـا كتبتـك ياالغـلا مامحيتـك
العب بقلبي واجرحه فـي تغليـك=مفتوح باب القلب والبيت بيتـك
واشلون ابنسى ذكرياتك وماضيك=وانا الذي لامن تضايقـت جيتـك
لا تحسب اني كارهك يوم اخليك=ولاتحسب اني لازعلنـا نسيتـك
يضيق صدري في غيابك واحاتيك=مشغول بالي فيك علُـك وليتـك
تفهم شعوراللي من اقصاه يغليك=يموت مايجرح ضميرك وصيتـك
عندي طلب واحد؟عسى الله يخليك=انا طلبتك وانت قلهـا؟ عطيتـك
ابيك انـا وابيك؟وابيـك وابيـك=ابيك شخـصٍ لا بغيتـك لقيتـك