18-01-2011, 03:05 AM
|
رقم المشاركة : 1
|
|
(( ياشوق ))
انا ياشوق ماني عنك سالـي=ولو دارت رحى سود الليالي
انا ياشـوق والله مانسيتـك=لو انك غبت تبقى في خيالي
تفارقنا؟؟ عسى ماصار خيره=انا مثلك زماني ما صفالـي
دخيلك لاتعاتب مـن يحبـك=على ماصار يكفي ماجرالـي
انا ماعاد لي باالوقت حيلـه=ولاينفع مع الوقت احتيالـي
مقادير الزمن مقـدر عليهـا=عقب فرقاك دمع العين سالي
انا جيت المكان اللي جمعنـا=واشوفه من عقب لاماك خالي
اناظر به وانا عيني حزينـه=ولا كنًه جمع غالـي بغالـي
على لاماك انا قلبـي تقطـع=لو انك لاعمـام ولاخوالـي
ألا ياعنق مكحـول المدامـع=ليا شاف العرب صابه جفالي
والا ياعين من شافت علفها=لها مدهال في صم الجبالـي
رعـاك الله يـاراع الجديلـه=فداك الحال ياعـذب الدلالـي
دخيلك لاتعاتب مـن يحبـك=انا ياشوق ماني عنك سالـي
التوقيع - حمود الساحلي |
|
|
|
|