بعت الحلال وقلت أطير الفلبين=قصدي مثل غيري أجيب الشهادة
وأخذتلي قرضٍ على عاتقي دين=قرضٍ حسن مامن وراه أستفادة
قمت أتفكر راتبي ألف؟ ألفين؟=لاوالله الا يمكن أنه زيادة؟
شاروا عليّ ناسٍ غوتها شياطين=وش لك بهم الدرس كله نكادة؟
رح للعميد وقضبّة مبلغٍ زين=ومبروك ناجح! تستحق الريادة؟!
خلك مهندس مثل عمار وحسين=وأرتاح كان أنك بغيت الأفادة
نشدت مفتي فاهمٍ من هل الدين=قال الحذر فلا يجوز أعتمادة
هذ خطأ في شرعنا والقوانين=البعض فسرهابحسب أعتقادة
وشعاد لامنك تخرجت بعدين؟=أكل الحرام ونار مامن هوادة
ظلم ورشاوي وش ذنب المسيكين؟=اللي بفعل يمناه صاب أجتهادة
صبر وكافح عنده الليل ليلين=وفرقى الأهل وبلاد ماهي بلادة
الحسد شين ومطمع الاّدمي شين=لو كان منعم في شرابة وزادة
مير القناعة كنز والناس دارين=على الله الأرزاق كافل عبادة