عــفــى الله عــــن نــفــسٍ تــزايــد عـذابــهــا=طــالــبـــك يــارحــمـــن تــجـــبـــر صــوابـــهـــا
يــــاحـــــي يـــاقـــيــــوم يـــاالـــواحــــد الـــــقـــــوي=يـــاخـــالـــق الـــدنـــيـــا وبـــــاســـــط تـــرابـــهــــا
ياناصرٍ موسى على السحر باالعصـا=مــاخـــاب ظـــنُـــه فـــيـــك يـــومـــه رمــابــهــا
يـاحـامــي ابـراهـيــم مـــــن نـــــار تـشـتـعــل=صـــارت ســـلام وبــــرد عــقــب التـهـابـهـا
تلـطـف بـحـالٍ صـابـهـا صـــادق الـوفــى=لــــو كــــان حــالــي مــــاش حــــيٍ درابــهــا
الشعر غيض وفيض والخاطر انجرح=عــلــى الـهـنــوف الــلــي زهــاهــا شـبـابـهـا
اول عــــذابــــي يــــــــوم تــبـــكـــي ودنــــقـــــت=وسمـعـت مـنـهـا الـلــي سـمـعـت بعتـابـهـا
وأقــفــت وانــــا نـفـســي سـبـبـهـا تــدهــورت=راحـت وانـا اللـي وســط جـوفـي حرابـهـا
صفقت كف بكـف مـن ضيعـة الجـدى=عـــزي لـنـفــسٍ صـابـهــا الــلــي سـطـابـهـا
فـــات الـفــوات وضـيـقـة الــصــدر تـبـتــرم=فــــي جــــوف مــحــزونٍ حـيـاتــه شـقـابـهـا
يالله عـســى مـــن لامـنــي فـيــج يـنـعـمـي=يــعــيـــش عــيـــنـــه مــــايــــداوى مــصــابــهــا
حـســيــرٍ كـســيــرٍ يـــبـــري الـــهـــم حــالــتــه=عــقـــيـــمٍ ســقـــيـــمٍ عــيــشــتــه مـااهـتـنـابــهــا
هـــــــذا وانـــــــا دقـــــــات قــلــبـــي تـفــاخــتــت=مـــن عـقـبـهـا دنــيــاي وش يـنـبـغـى بــهــا
لاقـــلـــت ابـنــســاهــا وابـــرتــــاح واســتــقـــر=تـردعـنـي الــذكــرى واجــــي عــنــد بـابـهــا
امــــــوت واحـــيــــا لاتـــذكــــرت مــامــضـــى=يـــازيـــد خـــابـــت هـــقـــوة الـــلـــي هـقـابــهــا
يـــازيــــد الا يــــاخــــوك لــيـــتـــك تــشــوفــهــا=ســـيـــد الــبــنــات الـــلـــي طــــــوالٍ رقــابــهــا
مــاكــنــهــا الا قــــايـــــد الــــريـــــم وصـــفـــهـــا=مــــــدري بـــلاهـــا الـــزيـــن والا ابـتــلابــهــا
تــجــر نـفــنــوفٍ زهــاهـــا عــلـــى الـجــســد=تغـيـض الـعـذارى يـــوم تـرمــي حجـابـهـا
تـهـيــل وتـمـيــل ويـخـلــف الـعـقــل زولــهــا=لاواهـنــي مـــن شـــاف حـضــرة جـنـابـهـا
عطـوفٍ لـطـوفٍ يـجـرح القـلـب طبعـهـا=عـفـيــفــه ولابـــــــه حـــــــي دنُـــــــس ثـيــابــهــا
لامــن ذكــرت الـطــول والـعـنـق والـنـحـر=تـقـول نـفـسـي صـايــب الـمــوت صـابـهـا
هــــذا وانــــا ادري كــــل مــافـــات يـنـتـهــي=عــفــى الله عــــن نــفــسٍ تــزايــد عـذابــهــا