الـجــادل الـلــي يـتــل الـــروح طرياها=مريـت انـا بيتـهـا والضـيـق حاديـنـي
مـريـت والعـيـن هـلُــت وانـتـثـر مـاهــا=علـى زمــانٍ مـضـى مابينـهـا وبيـنـي
لاقــلــت يـاعــيــن كــفًـــي زاد بـلــواهــا=هلًـت دمــوعٍ مـثـل دمــع المساجيـنـي
عيـنـي تـبـي شوفـهـا والقـلـب ويـاهــا=يــادبـــرة الله ولابـــــه شـــــي بـيـديـنــي
هـذيــك مـاهــو بكـيـفـي يـــوم فـرقـاهـا=راحـت غصيبـه وانـا مـاعـاد يمديـنـي
راحــت وانــا مابقـالـي غـيـر ذكراها=تلـعـب بقـلـبـي وتذبـحـنـي وتحيـيـنـي
لامــن طــرى زولـهـا وطـلــة محـيـاهـا=ماعـاد تلـحـق عـلـى قلـبـي شراييـنـي
حــوريــةٍ لــــو حـكـيـنــا مـاوصـفـنـاهـا=يـاجـرح قلـبـي عـلـى سـيـد المزاييـنـي
ماشافـت العيـن بـيـن الغـيـد حليـاهـا=يـاالله تسـعـد مسـاهـا وينـهـا وويـنـي
راحت وحطًت بوسط الجوف شلفاها=لـو كـان غابـت غلاهـا ساكـنٍ فيـنـي
ياما وطيت الخطر في سبة ارضاها=فـي ليلـةٍ مظلمـه والـنـاس ممسيـنـي
نفسي عليهـا حداهـا البعـد واشقاهـا=سلام يااللي عليـج الضيـق طاوينـي
هـذيــك عاهـدتـهـا مـــا والله انـسـاهــا=تبـقـى بقلـبـي مــدام الـله محييـنـي