صاحبي لو غاب وسط القلب بيته=ماسكن باالقلب غيره حـي ثانـي
لو يغيـب سنيـن والله مانسيتـه=كيف انا بنسى الرهيف الاسمراني
خبروه اني من اقصى القلب جيته=مثل ماهو من صميم القلب جاني
بعت كل الناس لرضاه وشريتـه=ماابيع انسان من قلبـه عطانـي
هـو بلانـي باالمحبـه وابتليتـه=لا بـلاه الله كـان انـه بلانـي
والله اني في مسى الفرقى بكيتـه=مثل ماهو في ضحى الفرقى بكاني
لانشدت الدار وين اللـي هويتـه=جاوبتني غـاب ذاك المودمانـي
تدمع العيـن الحزينـه لاطريتـه=كل مامريـت فـي ذاك المكانـي