طال الغياب وفاح صدري من الشوق=يامال فرقى العين يانشفـة الريـق
عزي لقلبٍ من عنا الشوق مفتـوق=وعزي لمن مثلي قليـل التوافيـق
يصبح علي الصبح مانمت مخنـوق=ماغير اجاوب كايـدات الطواريـق
وش عاد لو قلبي من الوجد محروق=أضيق وافرح وارجع شوي واضيق
على الذي ماحط باالوجه مسحـوق=زينه طبيعي ماحصل فيـه تلفيـق
العين ماشافـت بحليـاه غرنـوق=ماشفت مثله في جميـع الغرانيـق
فيه الحلا والملح والطيب والـذوق=حبه تمكـن باالحشـى والمعاليـق
اشتقت له والقلب باالشوق مطبوق=وبيبان قلبي دون غيره مغاليق
هذا الزمن ياصاح ماهوب ماثوق=لو بيني وبينك عهود ومواثيق
لو كان في درب الهوى حق وحقوق=فتحت لي ويـاك لجنـه وتحقيـق
قضيتًي ((قلبي من الزين مسروق))=عشان ماتسرق قلـوب المخاليـق